Среде период на неуспеси и лоша форма, Наполи ќе го пречека шампионот Јувентус во Серија А, на стадионот Диего Марадона.
Откако нивниот прв натпревар во сезоната беше одложен во контроверзни околности, старите ривали сега ќе играат по втор пат за неколку недели, по триумфот на Јуве во Суперкупот минатиот месец.
Јуве е одличен годинава
Најдобар стрелец Кристијано Роналдо е во одлична формаи повторно како по обичај тој е во центарот на вниманието кај Јувентус кој делува многу посигурно во 2021 година.Тие сакаат да го одбранат Скудетото и да продолжат да рушат рекорди кога во прашање се последователните титули.
Поразот од Интер минатиот месец се покажа како единствената загуба што ја претрпеа од крајот на годината, но затоа им се одмаздија на Нероазурите во купот и го освоија Суперкупот, играат одлично и во Серија А, па тоа е серија што ги искачи на третото место на табелата, со само пет бода заостанување зад второпласираниот Интер.
Во јануари, Јувентус успеа да ги совлада Милан, Наполи и Интер – меѓу неколку други, одржувајќи чиста мрежа. Нивните последни жртви беа фудбалерите на Рома, кои ги скокнаа на табелата во лигата минатиот викенд, како резултат на удобната победа од 2:0 во Торино. Се на се, тимот конечно се наоѓа во посакуваната форма сезонава и овој меч со Наполи доаѓа во добро време за нив.
Де Лаурентис чека нов кикс на Гатузо
Не во врвна форма, но сепак претставуваат сериозна закана за која било екипа. Нападот на Наполи ќе биде последниот што ќе се справи со предизвикот да се пробие се поотпорната бековска линија на Јуве.
Продолжува да се зголемува притисокот врз тренерот Џенаро Гатузо пред доаѓањето на Старата дама, бидејќи Наполи се наоѓа навистина во катастрофална форма.
Тие загубија и во полуфиналето на Купот од Аталанта во средата. И покрај враќањето во почетниот состав на Виктор Осимхен тие не беа во можност да и парираат на Аталанта.
Тој пораз дојде само неколку дена по разочарувачкиот пораз на гостувањето кај Џенова во лигата, резултат што го остави тимот на Гатузо далеку од титулата, но сега тие се се подалекуи од четвртото место кое води во Лигата на Шампиони.
Продолжената битка меѓу менаџерот Гатузо и претседателот на клубот Аурелио Де Лаурентис сигурно ќе има само еден „победник“, откако темпераментниот газда на Наполи, наводно, бил бесен по нивните последни пар порази.
Претстојните дуели против Аталанта, а потоа и Гранада во Лигата на Европа – по овој судир со Јувентус – очигледно ќе бидат одлучувачки за иднината на Гатузо, бидејќи кандидатите како Рафа Бенитез и Макс Алегри чекаат во негов кикс.
Be the first to comment