Најголемото изненадување во белгискиот и европскиот фудбал минатата сезона Ројал Унион, ќе го пречека Андерлехт во дербито на 6-то коло на белгиската Јупилер лига во недела.
Овој меч е интересен поради повеќе фактори, но особено го привлекува вниманието Феликс Мазу кој минатата сезона беше предводник на Ројал Унион, а сезонава го води Андерлехт.
Лацио сака враќање во Топ 4
Неверојатна сезона имаа фудбалерите на Ројал Унион предводени од Феликс Мазу, но сега токму тој ќе биде нивниот противник. Оваа екипа заврши на второто место минатата сезона и тоа веднаш по враќањето во првата лига и сезонава играше во квалификациите за пласман во Лигата на Шампиони. Откако славеа дома против Глазгов Ренџерс со 2:0, но гости загубија со 3:0 и ќе играат во групите на Лигата на Европа.
Тоа сепак за нив е неверојатен успех. Сезонава сакаат повторување на резултатите од минатата сезона но ќе имаат крајно тешка задача ако се суди според стартот. Имаат две победи и по едно реми и пораз во првите четири меча.
Освен тоа, екипата е ослабена со самото заминување на неверојатниот стрелец Ундав кој минатата сезона имаше дури 26 гола и 12 асистенции. Ундав сезонава игра во англиски Брајтон, а Ројал поради неговото заминување купи тројца напаѓачи, но сеуште тие се пронаоѓаат во екипата.
Тест за можностите на Интер оваа сезона
Андерлехт имаше шест бода помалку од Ројал во плеј-офот минатата сезона и заврши на третото место на табелата. Се чини дека сезонава оваа екипа може многу повеќе од тоа. Си заминаа некои од најдобрите фудбалери минатата сезона, но н анивно место дојдоа адекватни замени кои веќе го подигнаа нивото на игра на екипата.
Можеби најголем проблем за нив пред овој меч ќе биде заморот. Во четвртокот играа 120 минути против Јанг Бојс во европската конференциска лига и славеа дури по пеналите. Тој исцрпувачки меч може да го земе данокот токму против Ројал овој викенд.
Сепак, стартот на сезоната е добар. Андерлехт има три победи и еден пораз и ќе игра во групна фаза на Европската конференциска лига. Сега им останува во овој меч против директниот конкурент за висок пласман, да одиграат на високо ниво и да освојат бодови. Тренерот Мазо одлично ги познава фудбалерите на Ројал со кој направи толку голем успех минатата сезона, па тој е најголемиот адут за Андерлехт пред овој меч.
Очекување:
Тешко е да се каже кој е фаворит пред овој меч. Ројал минатата сезона славеше на сите четири меча со Андерлехт и постигна девет гола, а прими само два. Сега ситуацијата е променета, а Андерлехт го води Мазо кој минатата сезона победуваше со Ројал.
Ќе биде интересен овој меч, со тоа што Андерлехт ќе се обиде на стартот да постигне гол. Како ќе одминува времето, така заморот ќе биде се поголем кај Андерлехт поради исцрпувачкиот период што е зад нив. Мислам дека најдобра опција е да се одигра на голови, 3+, ГГ или комбинација, 3+ и ГГ.
Be the first to comment