Холандија – Шпанија: Двете селекции бараат победа за враќање на самодовербата пред важните дуели во ЛН

Шпанија

Холандија е домаќин на Шпанија во најинтересниот меч во среда. Ова е пријателски дуел и мислам дека и на таков начин ќе се однесуваат фудбалерите на теренот. Шанса ќе добијат дел од фудбалерите кои не се стандардни во репрезентациите, а повеќе ќе се размислува за дуелите што ги очекуваат двете селекции во Лигата на Нации. Сепак, очекувам еден крајно интересен и неизвесен натпревар.

Де Бур ја бара првата победа на селекторското столче

Холандија ќе беше меѓу фаворитите на Европското првенство оваа година доколку шампионатот се одиграше според планираното – во текот на летото. Но наместо тоа, Холандија влезе во длабока криза па сега нема победа на четири меча во серија.

Тоа барем според нивните високи стандарди е катастрофа. Откако замина Роналд Куман, а на негово место дојде Франк де Бур, тој го започнува своето владеење со серија од три меча без победа.

Долготрајното отсуство на влијателниот дефанзивец Вирџил ван Дијк сигурно остава трага, но селекција од тој ранг не смее да има алиби со повредени фудбалери.

Откако загуби со 0:1 од Мексико во пријателски натпревар и одигра нерешено 0:0 со Босна и Херцеговина во натпревар од Лигата на нации, Холандија го постигна барем првиот гол под водство на Де Бур во последниот меч.

Првиот репрезентативен погодок на Дони ван де Бик беше доволно за да и донесе на Холандија реми 1:1 против Италија во Бергамо.

Фудбалерите на Де Бур се наоѓаат на третото место во групата во Лигата на нациите, со два бода помалку од лидерот Полска, каде ќе гостуваат следната недела, но пред тоа е домашниот натпревар со Босна и Херцеговина и секако овој меч со Шпанија кој е од најмала важност за нив.

Луис Енрике со проблеми во реализацијата

Избраниците на Луис Енрике ремизираа 0:0 со Португалија во пријателски меч, па славеа над Швајцарија со минимални 1:0, за во третиот дуел минатиот месец да доживеат неочекуван пораз од Украина со 1:0.

Еден гол од три натпревари за Шпанија звучи малку загрижувачки и е нешто што Енрике ќе бара да го реши, почнувајќи од ова патување во холандската престолнина.

Приоритет на Шпанија ќе бидат претстојните натпревари во групата од Лигата на нации со Швајцарија и Германија, но Шпанија во дуелите ќе влезе со еден бод предност на лидерското место.

Шанса за докажување на дел од фудбалерите

Ова ќе биде прва средба меѓу двата европски гиганти по пријателскиот натпревар пред пет години, кој Шпанија го доби со 2:0.

Маркос Љоренте за прв пат беше вклучен во сениорскиот состав на Шпанија, додека Алваро Мората и Коке повторно се вклучени по отсуството минатиот собир.

Со оглед на проблемите со нападот минатиот месец, Енрике може да се реши да им даде шанса и на Љоренте и на Мората.

Родриго Морено отсуствува од составот поради позитивен тест за коронавирус, а отсутен е и повредениот Тиаго Алкантара.

Белерин беше додаден во составот во саботата по откажувањето на Хесус Навас, додека Ансу Фати долг период нема да може да игра за Шпанија поради тешката повреда.

Што се однесува до Холандија, ѕвездата на Ајакс, Дејви Класен е повторно вклучен во составот и го очекува првиот репрезентативен настап по 2017 година. Играчот за врска на Краснодар, Тони Вилхена и левиот бек на Кристал Палас, Патрик ван Аанхолт исто така се нови фудбалери во селекцијата.

Реално, со приоритет кон Лигата на нации, ова може да биде меч за одредени играчи да се докажат пред селекторите, а за останатите меч за одмор и спремање за она што ги чека во Лигата на Нации.

Можна почетна постава на Холандија:

4-3-3 – Крул; Хатебоер, Де Вриј, Аке, Ван Аанхолт; Ван де Бик, Класен, Вијналдум; Бергуис, Депај, Бабел

Можна почетна постава на Шпанија:

4-3-2-1 – Кепа; Навас, Рамос, П.Торес, Гаја; Каналес, Родри, Мерино; Олмо, Љоренте; Мората

Мој предлог:

Двете екипи да постигнат гол @ 1.73 во 10Bet

Прво полувреме да заврши нерешено @ 2.10 во 10Bet

Be the first to comment

Leave a Reply

Your email address will not be published.


*