Серија А: Најава и предлог типови за дербијата во Италија, Интер – Милан и Наполи – Аталанта

По паузата, во Серија А фудбалот се враќа на најпосакуваниот начин, со големо дерби. Се игра градското дерби во Милано, меѓу Интер и Милан кое сезонава привлекува особено големо внимание. Уште едно дерби има во Неапол, каде Наполи е домаќин на Аталанта.

Интер – Милан

Битката за Милано е секогаш привлечна и не треба да се трошат зборови за ривалството на двете екипи, на навивачите, на градот кој е поделен на црвена и плава боја за време на дербито. Овој пат, двете екипи најавија атак на првото место, симнување на Јуве од тронот, а евентуалниот победник на овој меч, ќе добие ветер во грб за исполнување на целта.

Но двете екипи се соочуваат со проблеми, а тоа особено важи за Интер кој е покосен од короната. До последен момент нема да се знае со каков тим ќе истрча Конте на овој меч, но од сега е познато дека тој нема да може да смета на Бастони, Шкинаир, Неиголан и Јанг кои добија позитивен тест за Ковид-19. Освен тоа, Сенси е суспендиран, а Вечино е повреден. Повторно ќе се прават тестови, а нема да биде изненадување доколку уште некој во Интер добие позитивен тест и од таа гледна точка, тешко е да се претпостави како ќе изгледа Интер на овој меч, но јасно е дека ќе биде видно ослабен.

Во Милан од друга страна има само еден позитивен, Дуарте кој и онака не е стандарден првотимец. Но и во оваа екипа ќе има повторни тестови, а со оглед на тоа што речиси сите екипи пријавуваат секојдневно нови позитивни фудбалери, отворено ќе остане прашањето околу короона вирусот и во Милан. Во секој случај, тимот на Пиоли стартуваше одлично со три победи и без примен гол до сега.

Мислам дека ќе биде ова тврд натпревар, со многу борба и тактика и ќе одиграм ППХ со коефициент 2.25 во 10Bet.

Наполи – Аталанта

Второто дерби во Неапол мислам дека ќе биде поинтересно за гледање, од една единствена причина – офанзивниот пристап и ефикасноста на екипите. Кога сме кај ефикасноста, тоа особено важи за Аталанта која втора сезона по ред ги игра едни од најефикасните натпрвари во Европа. На нивните три меча сезонава паднаа вкупно 18 голови, или во просек по шест на натпревар и тоа говори само по себе за екипата. И на дуелите на Наполи сезонава паѓаат доста голови и затоа велам – овој меч ќе биде поинтересен. Кај наполи ќе фалат Елмас и Зјелински кои се позитивни на Ковид-19, но Гатузо има доста опции во средината.

Според букмејкерите нема фаворит на овој меч, но јас мислам дека никој нема да погреши ако одигра на повеќе голови. Јас ќе одиграм ГГ со коефициент 1.41 во 10Bet.