Дерби на денот: Сити – Челзи, домаќинот не смее да си дозволи кикс против разиграниот Челзи

Манчестер Сити - Челзи

Дербито на колото во англиската Премиер Лига ќе се одигра на Етихад, каде Манчестер Сити е домаќин на Челзи. Сити нема веќе право на грешки, ако сака да остане во чекор со Ливерпул, но Челзи под водство на Лампард игра неверојатно добро.

Дефинитивно ова ќе биде еден крајно интересен и возбудлив меч, кој вистинските љубители на фудбалот не смеат да го пропуштат.

Гвардиола не се откажува од титулата

Имаше нешто комично во врска со лутите изјави на Пеп Гвардиола по поразот од 3:1 кај веројатно единствениот ривал за титулата Ливерпул. Начинот на кој каталонскиот тренер се однесуваше кон судиите за време на мечот беше пред се и благо речено – сарказам.

Но сите тие случувања покажуваат дека менаџерот на Манчестер Сити е се уште фудбалски опседнат и  чувствува дека неговата работа на „Етихад“ е далеку од завршена. Иако граѓаните под негово водство имаат освоено титули во Премиер лигата, собирајќи 198 поени, жарот во Гвардиола сеуште гори кога во прашање се титули. Многумина пред оваа сезона веруваа дека Пеп ќе биде повеќе насочен кон Лигата на Шампиони, но не е баш така.

Сити се на девет бода зад Ливерпул во трката за титулата, а тие веќе изгубија 11 бода во оваа сезона. Маргината за грешки е драстично намалена, и покрај тоа што статистиката покажува дека Сити е најдобриот тим во лигата. Резултатите не соодејствуваат со таа анализа. На „Етихад“, Сити одигра реми со Спарси и загуби од Вулвс, а сите четири победи на домашен терен во лигата се против екипите од дното. Неуспехот да се победи Челси овој викенд, ќе биде катастрофа за Пеп, особено ако Ливерпул повторно освои три бода.

Повредата на голманот Едерсон беше силно почувствувана на „Енфилд“, со тоа што Браво не можеше целосно да го замени. Но сега Едерсон е спремен и ќе биде на голот. Проблем е тоа што Бернардо Силва е суспендиран, па најверојатно ќе започне Ријад Махрез, кој според најавите од Англија ќе добие нова улога во тимот.

Лампард продолжува да изненадува

Додека поранешен менаџер на Челзи – Мурињо, започнува да прави големи бранови во северен Лондон, во западниот дел на главниот град, поранешниот играч од средниот ред на Челси тивко поттикнува револуција на „Стемфорд Бриџ“. Френк Лампард беше еден од најверните следбеници на Мурињо и јасно е дека тој има доста научено од него.

За Лампард ова е само втора сезона како тренер, а сепак тој го доведе Челси на третото место во Премиер лигата пред овој викенд и на табелата е пред Манчестер Сити. Тие се подобрија дефанзивно по незгодниот почеток на сезоната и се одлични во офанзива. Тами Абрахам кој го постигна својот прв гол за Англија на сениорско ниво против Црна Гора, ја искористи својата можност и има постигнато 12 голови за клубот и својата земја оваа сезона. Покрај него во офанзивата е и Мејсон Моунт кој прераснува во одличен играч, а Лампарт и него го трасираше во првиот тим на Англија. „Капетан Америка“ пак – Кристијан Пулишиќ се чини дека се наоѓа во животна форма и постигна пет гола на неговите последните пет настапи.

Промоцијата на младите таленти се чини дека не е задоцнета на „Стемфорд Бриџ“, а со форсирањето на младинците во сениорскиот тим, Лампард направи важен преседан. Челзи не е блиску до титулата, но тоа и небеше нивната цел оваа сезона, а секако играат над очекувањата. Тие победија на своите последни шест натпревари во Премиер Лигата и ја бараат шестата победа во низа на гостувањата.

Челзи во одлична форма, Сити со проблем во одбраната

Челси се наоѓа во страшна форма, а Лампард ефикасно ја спојува спојката на млади со поискусни играчи. Хомогеноста во екипата е на високо ниво, а атмосферата во тимот наликува на онаа од шампионските денови на Челзи. Но тие сеуште прикажуваат игри каде изгледаат ранливи во одбраната (Ајакс постигна четири гола на „Стемфорд Бриџ“). Сепак вреди да се напомене дека примија само четири гола на последните шест натпревари во лигата.

Сити се уште е неверојатен тим, но отсуството на Ајмерик Лапорте навистина ги разниша. Пеп проба неколку варијанти во одбраната, но не му се допадна ниту една. Сега, голема е веројатноста Фернандињо повторно да добие улога како централен дефанзивец.

Наш предлог:

Двете екипи да постигнат гол @ 1.57 во Bet365

Да паднат Над 2.5 гола @ 1.40 во Bet365

Be the first to comment

Leave a Reply