Дербито на денот во вторник во Лигата на Шампионите ќе се одигра во Германија, каде Борусија Дортмунд ќе го пречека бранителот на трофејот Реал Мадрид. Дортмунд е во извонредна форма, додека Реал е во мала криза но нивните меѓусебни дуели досега се гаранција дека ќе следиме еден крајо неизвесен и интересен меч со многу голови и на двете страни.
Двете екипи и минатата сезона беа во иста група
Интересно овие две екипи и минатата сезона беа во иста група во Лигата на Шампиони. Тогаш двата меча завршија нерешено и со идентичен резултат 2:2, но Реал во групата одигра изненадувачко реми и со Легија во Варшава па Дортмунд заврши на првото место со два бода предност. Сепак тоа не ги расипа плановите во Реал Мадрид, екипата остана мирна и покажа дека знае како да одигра на резултат во Лигата на Шампионите па на крајот го крена престижниот трофеј и стана првата екипа која две години по ред станува шампион на Европа.
Реал Мадрид во резултатска криза
Реал Мадрид е во мала резултатска криза и на последните 5 меча во Ла Лига забележа по две победи и нерешени средби и еден пораз, со што факт е дека стартот насезоната е спротивен на очекувањата. Начинот на кој Реал Мадрид стигна до втората шампионска титула по ред минатата сезона, настапот во финалето и победата од 4:1 над Јувентус како и освојувањето на Супер Купот на УЕФА во Скопје и Супер Купот на Шпанија остави впечаток дека шпанските шампиони се убедливо најдобриот тим на континентот и дека сезонава поторно ќе се прошетаат низ Европа, но суспензијата на Роналдо од 5 натпревари се покажа како кобна за тимот и лошите резултати дојдоа сами по себе. Сезонава Реал Мадрид нема значајни засилувања, но конечно Иско почна да го покажува сиот свој потенцијал, а тука е и појавата на Маркос Асенсио кој прераснува во еден од најдобрите шпански фудбалери, но и тоа не се покажа како доволно во овој период и Реал сега е на 5-то место во Ла Лига со заостанување од 7 бода во однос на Барселона. Во Лигата на Шампиони пак Реал славеше над Апоел, но овој кипарски тим е далеку послаб од останатите конкуренти на Реал Мадрид и таа победа не може да биде позитива за шпанскиот тим.
Роналдо индиспониран, но му лежи Борусија Дортмунд
Има нешто иронично околу Кристијано Роналдо и неговото враќање на терените по суспензијата од 5 меча. Имено Реал и без него играше одлично, а по неговото враќање против Бетис, Реал Мадрид загуби и не успеа да постигна гол по дури 74 натпревари по ред на кој постигнуваше минимум по еден гол на натпревар. Четирикратниот победник на “Ballon d’Or” беше индиспониран, а повторно се обиде да постигне гол во саботата на мечот со Алавес но повторно изгледаше фрустрирано два пати погодувајќи ја пречката на Алавес. Во овие два меча Роналдо имаше 18 обиди кон противничкиот гол но неуспешно, а тоа е нешто што ги загрижува навивачите на кралскиот клуб, тренерот Зидан, па и самиот Роналдо. Сепак Роналдо игра стандардно добро против Дортмунд, екипа против која на 8 меча од 2012 година има постигнато 4 гола и токму тоа ги наведува навивачите да веруваат дека конечно Роналдо против Дортмунд ќе го разбие малерот.
Дортмунд со најефикасен напад во Европа
Смената на Томас Тухел и ангажманот на одличниот холандски стратег Питер Бош се покажа како одличен потег на раководството на Борусија Дортмунд, барем засега. Сезонава оваа екипа тргна одлично и игра страшен фудбал. По 6 меча во Бундеслигата Дортмунд има 5 победи и едно реми, се наоѓа на првото место со предност од 3 бода во однос на Баерн Минхен и има импресивна гол разлика од 19 постигнати гола и само еден примен гол во својата мрежа. Тоа изразено во проценти значи дека нападот на Дортмунд во просек постигнува по 3.16 гола по натпревар и е еден од најдобрите напади во Европа на стартот на сезоната. Во овој дуел Дортмунд влегува во одлично расположение и доста самоуверено и тоа после фантастичната победа над Менхенглазбаход 6:1 во саботата.
И Бош и Зидан со проблеми во своите состави
Дортмунд има многу проблеми со повредени фудбалери и тоа од самиот почеток на сезоната, но тоа досега се покажа дека не се одразува негативно на резултатите, ако се иземе мечот со Тотенхем во првото коло на Лигата на Шампионите и поразот од 3:1. На овој меч јасно е дека нема да играат Гереро, Ројс и Шмелцер, а токму повредата на Шмелцер е најзагрижувачка за бош, бидејќи оваа екипа нема соодветна замена за него налевата бековска позиција и сега на оваа позиција играат Толјан или младиот французин Загаду, кој се солидни фудбалери но се далеку во однос на Шмелцер. Ако на овие повредени се додадат Шурле, Роде и Дурм кој се вратија по повредите и почнаа со тренинзи но нивиот настап е неизвесен за овој дуел, тогаш јасно е дека Бош нема да можеда смета на својот најдобар состав за овој меч. Дури и да настапи некој од овие тројца, прашање е колку ќе биде спремен да даде максимум и да одигра на високо ниво.
Зидан пак има уште поголеми проблеми од Бош. Роналдо се врати, но се покажа дека тој нее истиот фудбалер без фантастичното триово средбиот ред на Реал, каде фали Крос кој е една од главите алки во средината. Зидан нема да може да смета ниту на Ковачич во средината, а повредени се и Бензема и Марсело. Сепак за разлика од Бош, зиданима многу поширок тим и има по минимум двајцаквалитетни фудбалери на секоја позиција и овие повреди не мора да значат ништо во натпревари како овој против Дортмунд.
Реал фаворит според букмејкерите
Реал Мадрид е фавоорит според букмејкерите и покрај лошата форма на екипата. За победа на гостите коефициентот во Унибет е 2.30 и е добар за ризикување, особено што Реал Мадрид ретко кога има толку висок коефициент за победа. За победа на Борусија Дортмунд коефициентот е 2.95 во Унибет, додека за нерешено коефициентот е 3.80. Сепак се чини дека букмејкерите ги препознаа проблемите во кои се наоѓа Реал Мадрид и коефициентот за победа на Дортмунд паѓа од ден во ден. И покрај се добро би било да го избегнете овој меч на вашите тикети со играта на конечен победник, но затоа добро би било да играте на голови.
Над или Под 2.5 гола
Секогаш меѓусебните мечеви помеѓу овие две екипи завршуваат со доста голови и се меѓу поефикасните, па нема причина така да не биде и овој пат иако коефициентот за тоа е значително помал. Питер Бош играше напаѓачкиот фудбал во Лигата на Европа со Ајакс минатата сезона и јасно е дека со тој стил продолжува и во Дортмунд, а и покрај проблемите со повредени играчи сеуште ги има Аубамејанг и Пулишиќ кои прераснуваат во одличен тандем во нападот. За Реал Мадрид не мора да се трошат зборови и јасно е дека секогаш е изненадување кога Реал нема да постигне гол на некој натпревар. Доколку се обложите дека ќе паднат над 2.5 гола ќе добиете коефициент 1.45 во Унибет, додека за под 2.5 гола коефициентот е дури 3.05. Уште помал е коефициентот дека двете екипи ќе постигнат гол или ГГ – 1.35 во Унибет.
Наш предлог:
Да паднат повеќе од 2.5 гола @ 1.45 во Унибет
2 Trackbacks / Pingbacks