Ла Лига го има „Ел Класико“, Серија А – „дербито за Италија“, супер дербија имаат и Премиер Лигата, Бундеслигата, а Македонија го има дербито помеѓу Пелистер и Вардар, двете екипи кои се вечни ривали во македонскиот фудбал. Не толку поради големиот квалитет на екипите, колку поради навивачкото ривалство на Комити и Чкембари кое е најстаро во Македонија – со многу креативност и сеир од двете страни. Затоа и двете екипи и навивачки групи со нетрпение го очекуваат неделниот дуел од 15:30 часот во Битола.
Пелистер влезе во лоша серија
Во моментов Пелистер е на 5-то место на табелата со 8 бода и гол разлика 7:6. Пелистер според квалитетот на фудбалерите е посилен од минатата сезона, но по одличниот старт на сезоната, во 4-то коло проблемите на оваа екипа излегоа на виделина. Во тоа коло на мечот против аутсајдерот во лигата Скопје, по знакот на судијата за старт на дуелот, фудбалерите на Пелистер седнаа на тревникот во знак на протест затоа што доцнеше платата. Откако седеа триесетина секунди, станаа и го продолжија натпреварот и го забележаа првиот кикс сезонава играјќи 0:0. Следеа два меча и два порази против Ренова и Академија Пандев, во меѓувреме играа и во Купот каде славеа против нисколигашот Борец.
Пелистер три меча без гол, Кордосо суспендиран
За овој дуел со Вардар тренерот Захариевски ќе има уште еден проблем, а тоа е неиграњето на најдобриот во тимот Фереира Кардосо кој на минатио меч доби црвен картон и е суспендиран. Можностите во навалниот ред сега се ограничени, иако кога во тимот се играчи како Илијоски, Пеев и уште неколкумина прекалени македонски фудбалери со меѓународно искуство, секогаш може да се смета на голови. Во секој случај Пелистер на предходните три меча не постигна гол и со одличниот Кардосо во тимот, а сега без него и против Вардар ќе биде и тоа како тешко да се пробие противничката одбрана. Сепак факт е дека проблемите се напаѓачите, бидејќи тимот и не играше толку лошо на предходните натпревари, создаваше шанси, имаше и посед на топка но единствено немаше среќа во завршницата.
Заморот голем проблем за Вардар
Вардар е на 4-то место на табелата со 10 бода, но и со натпревар помалку од своите конкуренти. Фудбалерите на Вардар се преморени. Ниту еден македонски тим не е навикнат да игра натпревари во Европа во овој дел од сезоната и тоа е голем проблем за овој тим во моментов. Колку и да донесе среќа пласманот на Вардар во групите на Лигата на Европа, сите беа свесни дека тоа ќе се одрази врз резултатите во домашниот шампионат. Густиот распоред и темпото на натпревари четврток-недела придонесе за првиот кикс на Вардар сезонава и тоа во претпоследното коло против Скопје каде Вардар одигра 1:1, а на предходниот меч против Ренова, Фелипе го спаси тимот од уште едно реми со мајсторски гол за победа од 2:1. Чеде Јаневски дефинитивно го има најширокиот состав во лигата, Вардар има по двајца одлични фудбалери на секоја позиција и ротацијата може да биде спасот од тешкиот распоред. Чеде тоа најдобро го прави во одбраната, каде со исклучок на Попов сите останати фудбалери имаат по два настапи до сега. Слична е и ситуацијата во средниот ред и во нападот каде Вардар сепак има ограничени можности.
Заминувањето на Спировски остави белег, повредата на Итало е голем проблем
Спировски и Николов беа страшен тандем во средниот ред на Вардар, но по мечот со Фенер во гости Спировски се реши да премине во Ференцварош и тогаш почнаа проблемите за Вардар. Чеде никако не успева да најде идеална замена за него во срцето на теренот, а тоа најдобро се виде на мечот со Зенит. Глигоров е премногу дефанзивен за да ја пополни таа дупка на средината, Исени е голем талент но сеуште се вклопува во системот на Вардар, а Чеде проба и со Велковски во средината на теренот, но сите варијанти се далеку од идеални.
Вардар како по обичај без класичен напаѓач
Нападот е посебна приказна за Вардар. Оваа екипа и минатата сезона ја одигра со само еден класичен напаѓач, но чекаше премногу долго ова лето да ангажира нов фудбалер во нападот. Итало дојде како замена за Балотели кои си замина од тимот, но се чини дека дојде неподготвен и по долга пауза од теренот по што дојде и неговата повреда. Добро ви е познат и проблемот со русинот Максимов, со што можеме да заклучиме дека раководството на екипата не одигра професионално во преодниот рок и тоа може да се покаже како клучен проблем на тимот оваа сезона. Сега во нападот одлично се снаоѓа Барсегијан, но таа позиција е неприродна за него и само прашање на време е кога тоа ќе се почуствува и на теренот.
Ќе има тактичко надмудрување на Захариевски и Јаневски
По овој дуел Вардар ќе оди на тешко гостување во Норвешка кај Розенборг и тоа сигурно е во мислите на Јаневски. Тој ротира со свјот тим, но дуелот со Пелистер е премногу важен за Вардар па јасно е дека најдобрите ќе стартуваат во Битола. Јаневски најавува атак од првата минута и Вардар ќе се обиде да дојде до водство многу рано на овој меч, како во продолжението би зачувале дел од своите сили и би го намалиле темпото. На Вардар ќе му одговара брзо темпо на почеток, со индиции на тоа да се намалува како изминува мечот.
Но тука треба решение да пронајде Захариевски. Тренерот на Пелистер е свесен дека како ќе одминува времето заморот на Вардар ќе биде се позабележителен на теренот и ќе се обиде да го држи мечот во егал што подолго време. Најдоброто решение ќе биде Пелистер да игра смирено на почетокот и да ги чува своите сили за вториот дел од дуелот, но тоа би било меч со две острици. Во секој случај факт е дека ќе може да следиме и тактичко надмудрување на Јаневски и Захариевски, чии филозофии се доста слични, па веројатно ќе пресудуваат мали сегменти и моментални одлуки.
Букмејкерите му даваат поголеми шанси на Вардар
Јасно е дека Вардар е многу поквалитетен тим, има подобри фудбалери, поголем буџет и многу поголеми амбиции. За победа на Вардар во бет365 коефициентот е 1.80, што е добар коефициент и е вреден за размислување и ризикување. Пелистер пак иако игра на домашен терен е аутсајдер овој пат и за нивна победа коефициентот е 3.80 во бет365. За реми пак коефициентот е 3.40 во оваа онлајн обложувалница. Интересно, но кога во прашање се меѓусебните дуели на овие две екипи тешко е да се игра на голови. Предходните два меча завршиле со Над 3.5 гола, но предходните неколку натпревари завршиле со Под 2.5 гола. Овој пат за над 2.5 гола коефициентот е 2.20 во бет365, но нас повеќе ни се допаѓа Под 2.5 гола иако коефициентот е многу помал и изнесува само 1.65 во бет365. Во секој случајн, на вакви дерби натпревари не секогаш одлучува квалитетот на екипите или моменталната форма, туку мотивите на фудбалерите. Затоа најдобро е да го избегнете овој меч на вашите тикети со играта на конечен победник.
Наш предлог:
Пелистер нема шанси против овој состав на Вардар! Сигурна победа и славје за Комити Запад!