Победниците на ЕУРО 2020, Италија и победникот на Копа Америка, Аргентина, ќе се сретнат во Финалисима 2022 година на стадионот Вембли во среда навечер.
Планот е ваквите дуели меѓу шампионите на двата континенти да станат традиција. Во минатото само двапати се одржале вакви средби, во 1985 победила Франција, а во 1993 победила Аргентина.
Италија минатото лето ја победи Англија на пенали и стана европски првак, додека Аргентина забележа победа од 1:0 над Бразил во финалето на Копа Америка.
Италија го загуби секој од последните три натпревари против Аргентина, сите пријателски, а нивниот последен натпревар се случи на Светското првенство во 1990 година, кога Аргентина победи со 4:3 на пенали по конечните 1:1 во полуфиналето на турнирот.
Нема да има продолженија во Финалисима, па ќе се случи пенал-рулет ако натпреварот биде израмнет на крајот од 90 минути. Мора да се напомене дека Аргентина го освои изданието од 1993 година, тогаш наречено Купот Артемио Франки, победувајќи ја Данска на пенали.
Нов почеток за Италија
Италија ги победи Австрија, Белгија и Шпанија во нокаут рундите на Европското првенство минатото лето пред да ја совлада Англија на пенали во финалето по нерешените 1:1.
Со триумфот „сините“ станаа европски шампиони само по втор пат во нивната историја, но тие втор пат по ред ќе го пропуштат Светското првенство. Македонија во полуфиналето беше кобна за Италија во плеј-офот уште во Март. Македонија славеше на гости и тоа значеше крај за надежите на Италија за пласман на Мундијалот во Катар.
За Манчини ова е нов почеток, по неуспехот да обезбеди пласман на Мундијалот. Тие исто така ќе ја започнат својата кампања во Лигата на нации на УЕФА на 4-ти Јуни, играјќи со Германија двапати, како и со Унгарија и Англија.
Ова ќе биде важен меч и за Киелини кој ќе го има својот последен настап за Италија против Аргентина, со што 37-годишниот бек ќе стави крај на долгата интернационална кариера, но Манчини исто така ќе гледа кон иднината, со голем број млади играчи.
Аргентина долго време не знае за пораз
Аргентина, минатото лето ја освои Копа Америка за прв пат од 1993 година, победувајќи го Бразил со 1:0 со голот на Анхел Ди Марија во првото полувреме.
Небесносините ги победија Еквадор и Колумбија во четврт-финалето и полуфиналето за да се пласираат во финалето, а тие исто така се квалификуваа за Светското првенство во 2022 година благодарение на одличната квалификациска кампања.
Аргентина беше второпласирана на Светското првенство во 2014 година, но испадна во осминафиналето во 2018 година и ќе биде фасцинантно да се види како тие ќе се претстават на овогодинешното натпреварување, со тоа што јужноамериканската нација ќе се обиде да го подигне трофејот по трет пат.
Тимот на Лионел Скалони нема натпревар откако ремизираше 1:1 со Еквадор во квалификациите за Светското првенство на крајот на Март, додека тие се непоразени во сите натпреварувања од Јули 2019 година, што би требало да им даде голема самодоверба во среда.
Be the first to comment