Свежи од пулсирачкото реми 2:2 во петокот, Инвернес и Сент Џонстон ќе се соочат во реваншот од финалето на плејофот на шкотската Премиер лига во понеделник.
Сент Џонстон стигна до предност од два гола во првата половина од првиот натпревар, но Рис МекАлеар во второто полувреме со двата гола донесе нерешен резултат пред реваншот на МекДиармид Парк.
Сент Џонстон може да жали за првиот меч
Сент Џонстон беше исклучително комотен во првата половина од првиот натпревар во петокот, а нивната доминација донесе два гола во првите 24 минути. Се одеше според планот и сите веќе го видоа тимот како лесно слави на гости.
Сепак, тимот на Калум Дејвидсон на крајот успеа да дојде до реми, што им дава шанса за реваншот во понеделник. Сент Џонстон заврши на 11-тото место во шкотската Премиер лига, со осум победи, 11 нерешени и 19 порази од нивните 38 натпревари и собра 35 поени.
„Светците“ завршија на петтото место во изминатата сезона, покрај тоа што го освоија купот и играа во Европа оваа сезона. Сепак, сезонава беше целосна спротивнст за нив. Сакаа реприза од лани, но наместо тоа остануваат да се борат за својот опстанок. Сепак, тие бра големи фаворити на овој двомеч, а нивната доминација на првиот меч треба да им даде само крилја за да ја заврша работата пред своите навивачи.
Инвернес сонува враќање во елитата
Инвернес заврши на третото место во редовната сезона на шкотската втора лига, собирајќи 59 поени од нивните 36 натпревари, со 16 победи, 11 нерешени и девет порази.
Екипата на Били Додс ги победи Патрик Тистл и Арброат во плеј-офот за да се пласира во оваа фаза, а сега ги дели само еден натпревар од враќање во шкотската Премиер лига.
Инвернес отсуствуваше од врвниот шкотски фудбал од сезоната 2016-2017, секоја од последните четири сезони ја помина во второто ниво, но нивниот настап во втората половина од првиот натпревар во петок ќе им даде самодоверба пред овој натпревар во МекДиармид Парк.
Тие секако се аутсајдери реваншот, но главниот тренер Додс по натпреварот во петокот изјави дека неговите играчи дури сега сфатиле дека се „доволно добри“ за да се натпреваруваат на ова ниво.
Тимски новости: Сент Џонстон
Калум Дејвидсон нема никакви проблеми со составот и може да смета на сите фудбалери. Добро, Крис Кејн и Давид Ветхерспор се повредени, но тие веќе долго време се надвор од екипата поради потешки повреди и сезонава Сент Џонстон се навикна д аигра без нив во составот.
Екипата ќе игра во формација 3-5-2: Кларк; Клири, Гордон, Макарт; Руни, Халберг, Дејвидсон, Мекферсон, Браун; Хенди, Мидлтон.
Тимски новости: Инвернес
Били Додс ја има целата екипа на располагање, без ниту еден повреден или суспендиран фудбалер. Сепак, неговиот состав е веќе јасен, со оглед на тоа што тимот нема толку широк ростер на фудбалери за поголеми ротации.
Формацијата ќе остане иста како и целата сезона на Инвернес, 3-5-2: Риџери; Бродфут, Дафи, Дивајн; Карсон, Чалмерс, Хајд, МекАлеар, Харпер; Семјуелс, Мекеј.
Очекување:
Домаќинот има поквалитетна екипа и во тоа нема никаква дилема. На првиот меч имаа комотно водство од 2:0, а имаа и далеку подобра игра. Впрочем, имаа дури 24 шутеви кон противничкиот гол. Ако одиграат на исто ниво, не треба да с егрижат дека ќе обезбедат опстанок во најдобрата лига во Шкотска. Инвернес е солидна екипа, но според квалитетот е далеку од Сент Џонстон и веројатно и следната сезона ќе игра во втората лига.
Be the first to comment