Монако и Ница играат на стадионот Луј II во среда навечер, знаејќи дека евентуалната победа на некоја од екипите ќе ја однесе на чекор поблиску до европскиот фудбал следната сезона.
Како што стојат работите, четвртопласираната Ница има еден бод предност пред своите противници кои се наоѓаат на шестата позиција на табелата во Лига 1, а двата клуба се уште се во борба дури и за второто место по поразот на Марсеј од Пари Сен Жермен викендот.
Монако со голема шанса пред себе
За време на првите недели на Филип Клемент во Монако, се чинеше дека хиерархијата на клубот направила грешка со неговото назначување. Сепак, од почетокот на Март дојдоа пет победи од шест натпревари во Лига 1, а последната беше забележана минатиот петок кога Монако победи на гости со 2:3 против директниот ривал Рен.
Монако губеше со 1:0, но потоа направи целосен пресврт, одржувајќи го клубот на високо ниво во борбата за позициите кои водат во Лигата на шампионите.
Висам Бен Једер ја продолжи својата добра форма, постигнувајќи четири гола во исто толку настапи, но Клемент е воодушевен што придонесите доаѓаат од ростер и од сите линии на теренот.
Неверојатно, единствениот меч без примен гол во оваа одлична серија на Монако дојде на домашен терен и тоа против најсилниот ПСЖ, а токму дефанзивата треба да се подобри на крајот од сезоната.
Ница се врати на победите
Ница има тотален пад во формата во последните недели, во кои забележа низа од четири меча без победа која ги стави во позиција на аутсајдери за вицешампионското место, иако долго време беа високо пласирани. Во моментов Ница е на 4-то место со два бода помалку од Рен и пет бода помалку од Марсеј, но со само бод повеќе од Монако и Стразбур.
Екипата ја чека една навистина тешка битка з апласман во европската фудбалска елита следната сезона.
Сепак, нивната победа од 2:1 над Лориен, заедно со поразот на Марсеј, го врати тимот на Кристоф Галтие во битката.
Упатувајќи се во дербито на Азурниот брег, Ница забележа низа пет натпревари без победа на гостински терен, а нивниот последен успех на гости дојде против последнопласираниот Мец и тоа на 23-ти Јануари.
Be the first to comment