Митјиланд го пречекува Силкеборг во последниот натпревар од првото плеј-оф коло на данската Супер лига. Очекувам овој дуел да биде неизвесен, да има вистинска борба на теренот, но фаворитската улога секако ја препуштам на страната на домаќинот.
Овие два тима играа меѓусебе и минатото коло кое беше последно од регуларниот дел од сезоната. Мечот се одигра пред репрезентативната пауза, а Митјиланд славеше на гостиснки терен со 0:1.
Митјиланд сака да влезе во победничка серија
Домаќинот има одличен тим и тоа го покажа сезонава во домашниот шампионат, но и во Европа каде испадна од 1/16 финалето од грчки ПАОК. Сепак, по тоа испаѓање наместо Митјиланд да влезе во победничка серија во Данска, тие забележаа по два порази и победи и едно реми во серија. Но позитива за нив е крајно широкиот тим и фактот што може да се случат големи промени во стартниот состав ако работите не функционираат според планот, а тоа да не се осети врз квалитетот на играта.
Заостануваат со девет бода од Копенхаген кој има натпревар повеќе и со победа на овој меч сакаат да ја намалат негативата на шест бода и да влезат во победничка серија. Имаат добра причина да веруваат во победа со оглед на тоа што веќе славеа на двата меча против Силкеборг сезонава и тоа без да примат гол со 3:0 и пред две недели со 0:1.
Силкеборг ќе ужива до крајот на сезоната
Целта на Силкеборг беше да обезбеди пласман во плеј-офот и нивната цел е веќе исполнета. Секоја следна победа ќе биде бонус за нив и веќе можат да уживаат до крајот на сезоната. Веројатно ќе им биде добро што не треба да се фокусираат на ништо друго освен да играат добар фудбал, што впрочем го прават цела сезона.
И покрај тоа што имаат серија од три порази по ред, тоа не го намалува успехот на тимот. Можеби проблем за нив како и години наназад се гостинските натпревари. Имено, Силкеборг важи за исклучиве домашна екипа каде поради теренот со вештачка трева, тие имаат предност против речиси секоја екипа. Но на гости имаат сосема различен пристап и се подефанзивно ориентирани, па од таму и сезонската статистика од само две победи, три порази и дури шест ремија на гости.
Be the first to comment