Можеби најмалце атрактивниот двомеч во осминафиналето од Лигата на Шампиони е оној меѓу Бенфика и Ајакс. Неатрактивен, но би требало да биде крајно неизвесен и интересен, особено во овој прв натпревар во среда на Естадио да Луз во Лисабон.
Тимот на Нелсон Верисимо заврши на второто место во групата Е за да се пласира во нокаут рундата, додека нивните противници од Холандија буквално се прошетаа низ групата Ц без да изгубат ниту еден поен.
Бенфика сеуште ја бара својата вистинска форма
Бенфика е најголемото изненадување сезонава во Лигата на Шампионите и тоа без конкуренција. Многумина веруваа дека точно го предвиделе исходот од групата Е пред да почнат натпреварите, но додека Барселона продолжи да слабее под водство на Роналд Куман, Бенфика го искористи тоа и заврши пред каталонскиот гигант на второто место зад Баерн Минхен.
Баварците беа неприкосновени, но Бенфика забележа две витални победи над Барселона и Динамо Киев кои се покажаа како клучни. Бенфика славеше со неверојатни 3:0 над Барса, а во последното коло со 2:0 над Динамо Киев.
Сепак, деновите на Хорхе Жесус во Бенфика завршија по низа на лоши резултати, а сега поранешниот млад играч на Бенфика, Верисимо, ќе се обиде да ја одведе својата екипа до четвртфиналето за прв пат од 2015-16 година, иако неговите први 10 натпревари со Бенфика донесоа мешани резултати.
Португалскиот гигант влегува во овој натпревар по нерешениот резултат 2:2 во лигата со Боависта и досега победија на пет од нивните 10 натпревари под водство на 44-годишниот менаџер.
Ајакс може да стигне далеку
Одбивајќи да дозволи континуираните шпекулации околу работата во Манчестер Јунајтед да влијаат врз него, Ерик тен Хаг продолжува да го предводи големиот напредок на Ајакс, кој едноставно ја отфрли конкуренцијата во групата Ц за да заврши на врвот со максимални 18 бодови.
Заборавете на Лионел Меси или Кристијано Роналдо – напаѓачот со 10 гола и актуелен најдобар стрелец во Лигата на шампионите, Себастијан Халер, кој постигна гол во секој натпревар од групната фаза е играчот кој е во центарот на вниманието. Меѓу головте се и четири во првиот меч кога беше победен на Спортинг Лисабон со 5:1, а сега се надева дека повторно против португалска екипа ќе успее да се запише во листата на стрелци.
Само Баерн Минхен (22) постигна повеќе голови од 20-те на Ајакс во групната фаза, а тимот на Тен Хаг влегува во првиот натпревар со победа на секој од последните 10 натпревари во сите натпреварувања, иако се мачеше викендов против Вилем II кога славеше со 0:1.
Ајакс за првпат игра во нокаут рундата од нивната сензационална 2018-19 сезона кога стигна до полуфиналето. Уште еден податок е важен пред овој меч – поразот со 1:0 од Ливерпул на „Енфилд“ во 2020 година го претставува нивниот единствен пораз од нивните последни 21 натпревар во Лигата на шампионите на гости – серија што вклучува реми 1:1 на гостувањето кај Бенфика во 2018 година.
Be the first to comment