Надежите за титулата на Севиља се уште постојат и се доста реални и покрај трите ремија во серија. Сега имаат добра шанса да се вратат на победите бидејќи на домашен терен го пречекуваат Елче кој се бори за опстанок во Ла Лига.
Елче на Естадио Рамон во петок навечер има тешка задача. Домашниот тим моментално е на второто место на табелата, со шест бода помалку од водечкиот Реал Мадрид, додека Елче е на 14-та позиција, со осум бода повеќе од зоната за испаѓање.
Севиља сеуште има надежи за титула
Севиља е се уште во трка за титулата во Ла Лига, освојувајќи 47 бода од првите 23 натпревари во сезоната, што ја става на второто место во моментов со шест бода зад лидерот Реал Мадрид.
Тимот на Хулен Лопетеги исто така има седум бода повеќе од третопласираниот Бетис и девет повеќе од четвртопласираната Барселона, но тие се без победа во првата лига на Шпанија од 9-ти јануари, ремизирајќи на последните три меча против Валенсија, Селта Виго и Осасуна.
Ремијата многу можат да го чинат овој тим, но некако тие имаа и среча со оглед на тоа што во меѓувреме киксираше и Бетис, како и Атлетико Мадрид.
Севиља ја нема освоено Ла Лига од 1946 година и нема завршено пониско од четвртото место од 2009 година, што е показател за нивната сила, но во моментов тоа е историја и за нив од витално значење е да се вратат на победничките патеки што е можно поскоро.
Црвено-белите сепак не се фокусираат само на лигата, бидејќи ќе ги одмерат силите против Динамо Загреб во нокаут рундата од Лига Европа, а првиот натпревар ќе се одигра на 17-ти февруари во Севиља. Сите во тимот на некој начин размислуваат и за тој меч.
Елче во добра серија
Тимот на Лопетеги го има вториот најдобар рекорд на домашен терен во Ла Лига оваа сезона, со 27 бода од 11 натпревари, а ќе се соочи со тимот на Елче кој победи само два пати на гостувањата во лигата оваа сезона.
Елче ја задржа Севиља на првиот сезонски меч играјќи 1:1 кога двете екипи играа на почетокот на сезоната, но тие претрпеа пораз од 2-0 на Естадио Рамон на последното гостување во Севиља.
Гостите ќе бидат аутсајдери во петок, но нема дилема дека во натпреварот ќе влезат полни со самодоверба, откако во моментов се во серија од пет натпревари без пораз во лигата, забележувајќи три победи во тој процес.
Тимот на Франциско победи на три од последните четири меча во првата лига на Шпанија, вклучувајќи ја и победата со 3:1 над Алавес минатото коло.
Елче минатата сезона заврши на 17-тото место во Ла Лига, со само два бода повеќе од зоната за испаѓање, но моментално е на 14-та позиција, со осум бода повеќе од последната тројка. Тоа значи дека можат да бидат задоволни од сезоната до сега.
Be the first to comment