Некаде во Европа се игра клубски фудбал, некаде низ светот се игра репрезентативен и понудата не е баш мала, онака како што првично изгледа. За денешниот тип на ден избравме меч од Романија, каде Динамо Букурешт е домаќин на Стеауа.
Тешка задача пред Динамо Букурешт
Домаќинот ќе има тешка задача сезонава за да избори опстанок. А ќе биде навистина тета едно така големо фудбалско име во романскиот фудбал да игра во втората лига. Сепак, финансиските проблеми со кои се соочува оваа екипа во изминатите две-три години си го направија своето.
Уште пред почетокот на сезоната се знаеше дека Динамо Букурешт ќе има тешка задача, откако остана без најскапите фудбалери и интернационалците, соисклучок на македонскиот поранешен репрезентативен напаѓач Мирко Ивановски иуште неколкумина кои имаа помала минутажа.
Со само три победи и исто толку ремија, а со дури 16 порази, предпоследното место на табелата и не изгледа така лошо. Сепак, по паузата оваа екипа почна онака како што заврши минатата година – со пораз од Аргес со 2:1. Динамо Букурешт ја има најслабата одбрана сезонава со 45 примени гола, а на првиот меч со Стеауа загуби со 6:0 – тоа кажува речиси се за овој меч.
Стеауа со високо поставени цели
Стеауа сакаше враќање на шампионските патеки, но ќе почека за тоа малку подолго. Иако се наоѓа на второто место на табелата, заостанува со дури 10 бода во однос на лидерот Клуж. Треба да се случи чудо за Стеауа да го загрози првото место на актуелниот шампион.
Веќе во првиот меч годинава, пред неколку дена се играше дербито меѓу Стеауа и Клуж и тоа беше одлична шанса за домачинот, но мечот заврши 3:3 и разликата остана 10 бода. Одличен беше тој меч во кои Стеауа водеше, па на крај спаси бод со гол во 93-та минута. Сепак тој бод може да значи многу за нив, па и з анивниот морал.
Сега мораат да слават победа, а ако се погледне табелата и се она што е на хартија тие би требало да имаат лесна задача.
Be the first to comment