Вториот на табелата Тулуз, е домаќин на Нанси кој е очаен сезонава и е закован на дното во втората француска лига. Екипите се целосна спротивност сезонава и ќе биде мало чудо доколку бодовите не останат кај домаќинот.
Тулуз сака експресно враќање во елитата
Тулуз има јасна цел, а тоа е експресно враќање во фудбалската елита на Франција. Самото испаѓање од првата лига минатата сезона беше големо изненадување, а уште поголео изненадување ќе биде доколку Тулуз не успее да обезбеди експресно враќање во првата лига. До сега им оди добро, одлично. Се наоѓаат на второто место на табелата со само еден бод помалку од Ајачио. Но лидерот има дадено само 20 гола, а Тулуз има 40 гола на 19 натпревари, или во просек нешто над два гола по натпревар.
Оигледно е дека по оние 18 примени гола имаат мал проблем во одбраната, но тоа никако не смее да ги спречи во исполнување на амбициите. Но ако сакаат директен пласман во Лига 1, тогаш мораат да слават на натпреварите како овој – против една од најслабите екипи во лигата.
Нанси е очаен
Нанси до пред две сезони играше во првата лига, но сега е голема веројатноста дека ќе испаднат и од втората лига. Имаат само 12 бода од 19 натпревари, имаат само две победи и шест ремија и последното место на табелата е сосема очекувано по едни така очајни резултати. Сезонава се е против нив – имаат постојано проблеми со повредени, имаа проблеми и со Ковид-19 и ред други проблеми.
Сега се во серија од честири порази по ред и навистина е тешко да се очекува дека оваа црна серија ќе биде прекината против екипа како Тулуз, па уште на гостински терен. Ако има нешто добро, тоа е мечот од Купот против Рен на 2-ри Јануари кога беа поразени дури по продолженија. Сепак, тоа е единствена надеж дека во екипата сепак се случуваат позитивни нешта.
Be the first to comment