Сакајќи да ја продолжи својата сезона од соништата и во 2022 година, третопласираниот Фрајбург ја пречекува Арминија Билефелд на Европа-Парк стадионот во сабота попладне.
Имајќи одличен пласман во првата половина од сезоната, домашниот тим по зимскиот распуст влегува во натпреварите со многу различни цели и амбиции.
Фрајбург продолжува да сонува
Најдобриот почеток на Фрајбург во Бундеслигата заврши во убав стил непосредно пред паузата, кога тие се опоравија серијата на лоши резултати во кои имаа само една победа од шест натпревари и освоија максимални три бодови против нивните претенденти за пласман во Лигата на шампионите, Баер Леверкузен.
Навистина, клубот кој традиционално отскокнуваше меѓу првите две лиги без да има големо влијание во првата лига го заврши својот декемвриски распоред со победа од 2:1, запечатена со голот на младиот Кевин Шаде во 84-та минута. Со та победа Фрајбург го мина Леверкузен и презими на третото место.
Не само што тој резултат обезбеди Фрајбург да ја заврши 2021 година на третото место во во Бундеслигата, туку исто така ја нагласи самоувереноста на тимот на Кристијан Штрајх кој им пркоси на очекувањата.
Она што е највпечатливо, тие ги завршија своите први 17 натпревари со само 16 примени гола што е нов клупски рекорд а со тоа ја имаа и најдобрата одбрана во Германија заедно со Баерн Минхен. Ако оваа екипа продолжи во ист стил и по зимската паухза, тогаш нема да биде изненадување доколку го видиме Фрајбург во Лигата на Шампиони следната сеона.
Арминија со две победи по ред
Арминија на Франк Крамер токму пред паузата почна да игра фудбал, по разочарувачкиот почеток на сезоната.
Всушност, тие победија против Бохум со 2:0 и во последното коло против Лајпциг со 0:2. Две победи бе примен гол и шест бода, а особено е импресивна онаа победа на гости кај Лајпциг.
Сепак, тоа не смее да ги вивне во небо, особено што беа целосно надиграни на тој меч со Лајпциг. Имаасреќа и некако дојдоа до победа, но не можат да се надеваат на среќата постојано. Се наоѓаат на предпоследното место и имаат два бода помалку од безбедната зона.
Јасно е дека ќе имаат тешка задача да обебедат опстанок, особено што го имаат вториот најслаб напад во лигата. Пред нивното патување во Фрајбург овој викенд, момците на Крамер забележаа само 14 првенствени голови од 17 натпревари – а сега ќе играат против најдобрата одбрана во лигата.
Be the first to comment