Лацио и Емполи ќе бијат битка за прва победа годинава во Серија А, на натпреварот во четврток на стадионот Олимпико во Рим.
Двете екипи се една до една на табалата, Лацио е 9-ти, а Емполи е на 10-то место, но постои разлика од четири бода што ги дели двата клуба, давајќи и можност на домашната екипа да елиминира конкурент за пласман во Европа уште во оваа фаза од сезоната.
Лацио не е далеку од Европа
Со оглед на тоа што Лацио моментално зазема место надвор од местата кои водат во Европа, фер е да се каже дека Маурицио Сари не беше на очекуваното или на вообичаеното ниво за него откако дојде во екипата во текот на летото.
Сепак, девет бода од последните четири натпревари се показател дека во тимот нештата се менуваат во позитивна насока. Иако Лацио е на дури 9-то место, оние екипи пред нив на табелата не се далеку од нив. Така на пример Лацио заостанува само со седум бода од четвратата Аталанта и само со три бода од петтиот Јувентус.
Лацио може и мора да го задржи притисокот врз своите ривали со нова победа на домашен терен против Емполи. Како што стојат работите, Бјанкочелестите го поседуваат вториот најдобар домашен скор во лигата каде имаат шест победи, две ремија и само еден пораз па сосема е очекувано да слават против екипа како Емполи.
Емполи го чека тежок распоред
Што се однесува до Емполи, неуспехот да победи во нивните последни два натпревари дојде во погрешно време, па тимот на Аурелио Андреацоли сега се врати на средината на табелата.
Сепак, тие беа во серија од седум меча без пораз пред да загубат во последното коло од Милан дома со 2:4. По тој пораз, се чини дека паузата во Серија А беше добредојдена за нив за да ги консолидираат сопствените редови.
Во оваа серија или во последните седум меча, Емполи даде дури 15 гола или во просек нешто над два по натпревар што е импресивен податок. Но тие немаат проблем со нападот туку со одбраната која до сега прими 34 гола.
Дополнителен проблем за Емполи е распоредот. Имено, тие играат против три од најдобрите осум екипи во текот на Јануари, а Андреазоли ќе сака добар почеток на годината, барем во однос на перформансите на тимот.
Be the first to comment