Само шест дена откако играа меѓу себе во рамки ЕФЛ купот, Лестер и Ливерпул имаат повторно битка, овој пат на Кинг Пауер во натпревар во Премиер лигата во вторник.
„Црвените“ триумфираа на пенали на средбата на „Енфилд“ на 22-ри декември, при што поранешниот менаџер Брендан Роџерс беше сведок како неговиот тим го пропушти на неверојатен начин водството од 1:3, за на крај да загуби на пенали.
Лестер со одличен напад и очајна одбрана
Не е само тој меч интересен кога во прашање е Лестер. На Боксинг деј, Лестер одигра уште поневеројатен меч. И ако против Ливерпул го прокоцка водството, тогаш против Сити за малку ќе направеше целосно враќање. На Етихад, Лестер се врати од негатива 4:0 на 4:3.
Поранешниот играч на Манчестер Сити, Келечи Ихеаначо, го постигна седмиот гол на натпреварот во 65-та минута, но Ајмерик Лапорте набрзо одговори пред Стерлинг да ги постави конечните 6:3.
Со тоа, Лестер се најде во една неверојатна серија на натпревари со еден куп голови. Серијата е негативна за нив – на последните шест меча во сите натпреварувања имаат само една победа. Но пазате – на последните три меча на Лестер паднаа 20 гола, на последните девет меча паднаа неверојатни 45 гола или во просек по пет гола по натпревар. Ковид кризата си го направи своето, па Лестер и овој пат ќе биде видно ослабен, особено во одбраната.
Но има една добра работа во оваа негативна серија – поразите се н агости. Дома Лестер има три победи по ред постигнувајќи по четири гола над Њукасл и Ватфорд и три гола против Легија во Лигата на Европа.
Ливерпул свеж испремен
Ливерпул доби празничен одмор поради нивниот одложен меч со Лидс Јунајтед на Боксинг деј. Тоа значеше дополнително време за одмор, но и за спремање за овој меч против Лестер.
Ливерпул сега ужива во реткиот луксуз на шестдневна пауза во месец Декември. Сепак, нерешените 2:2 на „црвените“ со Тотенхем на 19-ти декември ја прекинаа нивната серија од шест победи во Премиер лигата и серијата од осум победи во сите натпреварувања, при што тие два пропуштени бода ги одалечија од Манчестер Сити.
Постигнувајќи најмалку два гола на 11 од нивните последни 12 натпревари во Премиер лигата на гостински терен, Ливерпул би требало да ја задржи таа серија на голови на „Кинг Пауер“, особено пред двајца од нивните најдобри напаѓачи да тргнат кон Африкански куп на нации.
Наби Кеита, Мохамед Салах и Садио Мане ќе настапат на овој меч, но потоа одат кон Африка и нивниот последне настап во овој период од еден месец, Ливерпул мора да го искористи до максимум.
Be the first to comment