На стадионот „Етихад“ во сабота Манчестер Сити го пречекува Арсенал во третото коло од Премиер лигата. Двете екипи забележаа неверојатни победи во нивните средби, при што Сити славеше со 5:0 над Норвич, додека „Топџиите“ го совладаа Вест Бромвич Албион со 6:0 во Купот на ЕФЛ.
Сити брзо се врати на победите
Хари Кејн веќе е сигурно дека нема да дојде во Сити, но сега сите очи се вперени кон Кристијано Роналдо. Долготрајната потрага по капитенот на Англија, за Манчестер Сити не вроди со плод по потврдата дека тој ќе остане во Тотенхем, но екипата на Пеп Гвардиола сега тргна по Роналдо.
Меѓутоа, настапот против Норвич беше потврда дека Сити ретко има потреба од повеќе напаѓачки опции во своите редови. Уште ако дојде Роналдо, тогаш тешко дека ќе се најде екипа која ќе може да ги сопре.
Откако се опоравија од поразот во Комјунити Шилд од Лестер како и поразот во првото коло од Тотенхем, актуелниот шампион забележа победа од 5:0 на домашен терен.
Се разбира, победата над Арсенал ќе им овозможи на „Граѓаните“ привремено да го вратат своето заслужено место на врвот на табелата, а со оглед на неодамнешните настапи на противниците, Артета е далеку од својот поранешен учител Гвардиола.
Артета во големи проблеми
Двоцифрениот список на отсутни кај Арсенал значеше само лесна победа на Челзи во минатото коло од 0:2, кога избраниците на Артета се обидуваа да ги исправат грешките од нивниот тежок пораз на првиот меч од Брентфорд. Но тие не успеаа да променат ништо. Играта на Арсенал беше очајна, па тие дури може да бидат и среќни што загубија само со 0:2.
Но тимот на Артета во Купот на ЕФЛ славеше со неверојатни 6:0 над ВБА и најави подобри резултати. Сега против Сити се очекува во тимот да бидат и Аубамејанг и Лаказет, кои се опоравија од Ковид-19, а со нив двајца секако дека Арсенал ќе биде подобар.
Од сезоната 1954-1955 година, Арсенал не ги загуби своите први три натпревари во една сезона во Премиер лигата, но ако сакаат да избегнат таква судбина овде, ќе мораат да се надминат себе си и да одиграат со 100% од своите можности.
Be the first to comment