Време е за Мерсисајд дербито Ливерпул и Евертон ќе играат меѓусебе по 289-ти пат во историјата.
Шампионите паднаа на шестото место по драматичното опаѓање на формата во изминатите два месеци, давајќи им можност на своите соседи од Стенли Парк да дојдат на само едно место под нив н атабелата со заостанување од три бода пред овој дерби меч.
Титулата за Ливерпул е веќе загубена
Ливерпул моментално е на шестото место, а сега имаат огромни 16 бода помалку од Манчестер Сити.
Пред неполни два месеци тимот на Јирген Клоп беше на самиот врв, а сега се во позиција каде што менаџерот јавно призна дека титулата е загубена.
„Црвените“ имаат победено на само два од осумте дуели досега оваа календарска година и загубија пет од нив – неверојатно веќе претрпеа исто толку порази во лигата во 2021 година, колку што тоа го направија во 72 натпревари во двете 2019 и 2020 година заедно.
Тоа вклучува порази на секој од нивните последни три натпревари – против Брајтон, Манчестер Сити и Лестер и уште еден пораз во сабота би значел прва серија од четири порази по ред, уште од декември 2002 година.
На последните два пораза примија седум погодоци – колку што примија на претходните 10 натпревари – а вкупниот број на примени голови сега е 32 од 24 меча, само еден помалку од цела мината сезона.
Ливерпул се враќа во далечната 1923 година
Клоп се чуди ипостојано се прашува зошто има толку изразен пад на резултатите, но можеби најголем проблем покрај нивната дефанзива, се слабите мечеви на домашен терен.
Откако помина 68 натпревари во лигата без пораз на „Енфилд“, втора најдолга серија од ваков вид во историјата на англискиот фудбал, Ливерпул сега ги загуби последните три меча на Енфилд.
Поминаа повеќе од два месеци откако „црвените“ победија на домашен терен и мора да се вратиме во далечната 1923 година кога единствено Ливерпул загубил четири последователни натпревари на домашен терен.
И покрај се, има и нешто добро во екипата. Тие забележаа импресивната победа во вторникот во Лигата на шампионите над Лајпциг.
Головите на Мохамед Салах и Садио Мане беа доволни да се совлада Лајпциг кој беше во добра форма и уживаше во добрите резултати во Бундеслигата.
Според признанието на самиот Клоп, Лигата на шампионите е последната можност за екипата за спас на сезоната.
Евертон не памти кога последен пат славел во Мерсисајд дербито
Помина повеќе од една деценија откако Евертон можеа да се пофалат со победа во Мерсисајд дербито. Последен пат Евертон славеше во 2010 година со 2:0 на домашен терен, но на гости немаат победа уште од 1999 година.
И во овој меч Евертон влегува во променлива форма. Но мора да се кажедека тие имаат еден навистина тежок распоред. Имаат два порази по ред на домашен терен од Сити и Фулам, но пред тоа одиграа 3:3 со Манчестер Јунајтед, 1:1 со Лестер и славеа на гости кај Лидс со 1:2. Во меѓувреме загубија и од Њукасл со 0:2.
Охрабрувачката вест пред овој натпревар е дека тие порази дојдоа и на домашен терен, каде Евертон освои само еден бод од пет натпревари во2021 година.
Приказна на гости е сосема друга, а Евертон има собрано 17 поени од можни 21 во серијата од седум натпревари, што се протега уште од почетокот на ноември.
Март 2016 година беше последен пат кога уживаа во подолга серија без пораз на гостински терен, додека само трите најдобри во лигата освоија повеќе поени на своите гостувања во текот на 2020-21 година досега.
Be the first to comment