Хофенхајм во недела е домаќин Ајнтрахт Франкфурт во Бундеслигата, а гостите сакаат да постигнат позитивен резултат и да останат во трка за позициите кои водат во Лигата на шампионите. Од друга страна, Хофенхајм сака да се врати по поразот од минатиот викенд со 4:1 против Баерн Минхен.
Хофенхајм полека ги надминува проблемите со повредите
По победата над Херта Берлин и Келн со по 3:0 во нивните претходни два натпревари, патувањето во Минхен кај лидерите во лигата ја прекина серијата на Хофенхајм.
Сепак, по подобрувањето на резултатите и враќањето на неколку играчи од повреда во последните неколку недели, работите почнаа да течат во добра насока за тимот.
И на овој меч домаќинот ќе биде без неколку стандардни фудбалери, но секако е во далеку подобра положба за разлика од пред еден месец. Тимот се наоѓа на 12-то место и никако не е задоволен од тој пласман, а со 22 бода е поблиску до екипите кои се во опасната зона, отколку до оние кои с еборат за излез во Европа. Европа беше целта на екипата, но мислам дека таа цел е недостижна за тимот од денешна гледна точка.
Франкфурт во неверојатна форма
Франкфурт ја продолжи серијата без пораз на осум натпревари со импресивната победа од 3:1 над Херта Берлин минатиот викенд.
Херта дури водеше на тој меч и тоа со голот на Пиатек во 66-та минута. Но сепак, напаѓачките способности на Франкфурт дојдоа веднаш до израз, а Андре Силва со два гола и Хинтерегер со еден гол направија целосен пресврт.
Со оглед на тоа што Лука Јовиќ не е во можност да влезе во почетниот состав во моментов, јасно е дека Хатер ќе тартува со речиси идентичен состав како против Херта. Хатер е свесен дека со победа на овој меч, уште повеќе ќе се доближи до пласман во Лигата на Шампиони и јас немам сомнеж дека ќе стартува офанзивно уште од првата минута.
Be the first to comment