Република Ирска е домаќин на Шкотска во сабота навечер во островското дерби. Домаќинот претрпе два порази по ред на почетокот на нивната кампања во Лигата на нации. Шкотска од друга страна се наоѓа на врвот на табелата по победата над Ерменија во средата.
Очаен старт на Република Ирска во Лигата на Нации
На позадината на серијата од осум меча без пораз, оптимизмот беше висок во таборот на Република Ирска пред стартот на ова натпреварување.
Сепак, последователните порази од Ерменија и Украина, без постигнат гол, го оставија тимот на Стивен Кени да се соочи со реална можност да биде исфрлен во послаба лига. Сосема изненадувачки ирците загубија во Ерменија со 1:0, за потоа со истиот резултат но на домашен терен да бидат поразени и од Украина.
Со оглед на тоа што пресметката со навидум најслабата селекција во групата Ерменија, доаѓа во последниот натпревар, Република Ирска треба да смени нешто веднаш, пред двата меча со Шкотска и дуелот против Украина.
Дури и фактот што Украина играше со многу променет тим во средата, тие беа подобар тим од Република Ирска и сосема заслужено славеа со голот на Циганков.
Шкотска со добра серија на гости
Тартан армијата се надева дека Шкотска ќе продолжи со победите, откако славеше победа над Ерменија пред неколку дена со 2:0.
Шкотска собра три победи и едно реми од нивните последни четири натпревари на нивните гостувања, победите над Австрија, Фарски Острови и Молдавија, проследени со реми на вториот натпревар во Австрија се доволен показател дека шкотите се добри на гости.
Разочарувањето од неуспехот да се квалификува на Светското првенство се уште трае кај избраниците на Стив Кларк, но тие одговорија на најдобар можен начин во средата кога ја совладаа Ерменија.
Ентони Ралстон и Скот Мекена се запишаа во листата на стрелците – двојката ги постигна своите први голови за својата земја со што беше прекината серијата од три натпревари без победа. Сега ги чека тешко гостување, но и доста важен меч за конечниот изглед на табелата.
Тимски новости: Р.Ирска
Кени се надева дека Шејмус Колеман би можел да се опорави од повредата на препоните на време за да се појави на овој натпревар.
Џон Иган исто така е под знак прашалник откако излезе против Украина, оставајќи го Дара О’Ши да го заземе своето место во задната тројка. Кени, исто така, може да направи промени во нападот, но веројатно Мајкл Обафеми ќе стартува како најистурен.
Ирците ќе играат во формација 3-4-2-1, или 3-4-3: Келехер; О’Ши, Колинс, Дафи; Кристи, Кулен, Хендрик, Стивенс; Робинсон, Обафеми, Кнајгх
Тимски новости: Шкотска
Скот Мектоминај може да биде меѓу неколку играчи кои ќе се вратат во стартниот состав. Арон Хики е опција на левата бековска позиција доколку Ендрју Робертсон добие одмор по тешките и исцрпувачки дуели, но Нејтан Патерсон ќе остане на клупата за резервни играчи по неговото враќање од повредата на зглобот.
Шкотска ќе настапи во формација 3-4-2-1: Гордон; Мектоминај, Хендри, Мекена; Ралстон, Мекгин, Мек Грегор, Робертсон; Армстронг, Адамс; Кристи
Очекување:
Поминаа речиси седум години откако овие нации последен пат се сретнаа во Даблин. Тогаш беше 1:1, а интересно петте последни меѓусебни дуели завршиле со два или помалку голови. Секогаш овие две селекции играат тешки натпревари и како по традиција со малку голови. На последните осум меча само на еден дуел паднале три гола, додека н аостанатите два или помалку. Освен тоа и во моментов двете селекции не се баш офанзивно расположени, па не би требало да очекуваме голови на овој меч. Можете да одиграте Х, или ППХ, но јас предлагам 0-2 гола.
Be the first to comment