Шпанија е домаќин на Германија во дербито на денот во вторник во рамки на Лигата на Нации. Победникот ќе обезбеди пласман во полуфиналето, но на Германија доволен и е и бод со оглед на тоа што се наоѓа на лидерското место со еден бод предност во однос на домаќинот на овој натпревар.
Три меча без победа за Шпанија е премногу
Серхио Рамос, честопати толку сигурен од белата точка, неверојатно промаши два удари против Швајцарија на Владимир Петковиќ. Мечот заврши 1:1, па Шпанија сега мора да победи за да обезбеди пласман во полуфиналето.
Шпанија во моментов е во серија од три меча без победа, минатиот месец претрпе пораз од Украина во Лигата на нации со 1:0, пред да одигра нерешено 1:1 со Холандија на пријателскиот натпревар на 11-ти ноември.
Би било фер да се каже дека Луис Енрике допрва ќе ги бара најдобрите 11, откако многу ротираше на предходните средби, но има уште многу време за поранешниот шеф на Барселона да работи пред Европското првенство следното лето.
Франција веќе го резервираше своето место во финалето на Лигата на нациите, и не постои прашање дека Шпанија ќе сака да им се придружи така што ќе се обидат да го обезбедат својот прв трофеј по Еуро 2012.
На Германија доволен и е само бод
Германија, моментално е лидер во групата и е на еден бод од второпласираната Шпанија, што значи дека нерешен резултат во вторник би бил доволен за да се обезбеди првата позиција.
Тимот на Јоаким Лев беше далеку од совршен во Лигата на нации до сега, барем според германските навики. Победија само на два од нивните пет натпревари, но домашната победа во саботата со 3:1 над Украина ги доведе во одлична позиција.
Германија всушност губеше со 0:1 на „Ред Бул“ арената, но Лерој Сане го израмни резултатот пред Тимо Вернер да погоди двапати за да обезбеди важни три бода за домаќинот.
Германија нема пораз во сите натпреварувања откако загуби со 2:4 од Холандија во квалификациите за ЕП минатиот септември иако во последно време играат се потешко и потешко.
Лигата на нациите не се смета за приоритетно натпреварување за четирикратните освојувачи на Светското првенство, но тие сепак се решени да елиминираат некој друг европски гигант и да се пласираат на фајнл-фор турнирот.
Можна почетна постава на Шпанија:
4-3-3 – Симон; Роберто, Рамос, Торес, Регулион; Бускетс, Мерино, Руиз; Ојарзабал, Мората, Морено
Можна почетна постава на Германија:
4-3-3 – Ноер; Гинтер, Суле, Рудигер, Макс; Гундоган, Крос, Горецка; Вернер, Гнабри, Сане
Be the first to comment