Ајакс е домаќин на Ливерпул во еден од најинтересните натпревари од првото коло во фудбалската Лига на Шампиони. Гостите се фаворити, но во Амстердам патуваат во неубедлива форма и без ван Дијк кој му создаде големи проблеми на Клоп.
Ајакс се загреа со висока победа
Ајакс се загреа на одличен начин за за дуелот со Ливерпул и славеше над Херенвен од 5:1 на Арената во Амстердам. Холандскиот гигант водеше со три гола пред полувремето, претворајќи го секој од своите први три обиди во гол преку Душан Тадиќ и Мохамед Кудос. Во вториот дел Ајакс ги штедеше силите за мечот со Ливерпул, но даде уште два гола до крајот.
Главниот тренер Ерик десет Хаг беше критикуван пред натпреварот по четири неубедливи натпревари на Ајакс, вклучувајќи го и поразот од 1:0 во Гронинген пред меѓународната пауза.
Ласина Траоре започна во нападот во саботата со Давид Нерес и Тадич по крилата и може да се очекува истиот напад и против Ливерпул со тоа што Траоре шансата ќе ја чека од клупата. Ајакс ја започна сезоната во формација со нов изглед 4-3-3, но оттогаш се врати во претпочитаната 4-2-3-1 формација. Квинси Промес се очекува да биде во почетниот состав со тоа што Тадиќ би требало да биде искористен како лажна деветка во нападот за домаќините.
Ливерпул фрустриран од ремито во Мерсисајд дербито
Ливерпул не е во посакуваната форма. Прво загуби од Арсенал во Купот, па следуваше шокантниот пораз од неверојатни 7:2 против Астон Вила, за минатиот викенд во Мерсисајд дербито да освои само бод против Евертон.
Сепак, поголемата приказна од таборот на Ливерпул ја опкружуваше повредата на Вирџил ван Дијк. Холандскиот репрезентативец се соочува со операција откако претрпе оштетување на предниот вкрстен лигамент на коленото за време на дербито. Тој пропушти само еден натпревар во Премиер лигата откако се приклучи на клубот и неговото отсуство е голем удар за „црвените“.
Фабињо, Матип и Гомез се во игра да започнат во срцето на одбраната, додека Тиаго Алкантара исто така може да недостасува во средниот ред. На другите позиции не се очекува Клоп да ротира во Амстердам.
Be the first to comment