Финска која е сеуште под импресии по првиот изборен настап на едно големо натпреварување е домаќин на Велс. Гостите се фаворити според букмејкерите, но тие видно ослабени патуваат во Хелсинки кај домаќинот кој има историски 12 месеци зад себе.
Возбудливи и историски 12 месеци за Финска
Финска ја започнува својата кампања во Лигата на нациите со надеж дека ќе продолжи во добра форма по нивната квалификациска кампања за пласман на ЕУРО 2020. Тие имаа импресивни квалификации и обезбедија пласман на ЕП. Марку Канерва ги предводеше до нивниот прв голем турнир во нивната историја, со тоа што Тему Пуки постигна 10 гола и беше прва виолина за Финска во квалификациите.
Тие завршија на второто место во групата каде што беа Италија, Грција и Босна и Херцеговина, освојувајќи шест од нивните 10 натпревари. Веројатно се уште се под импресии и можеби уште се радуваат и најверојатно ќе го користат ова натпреварување како загревање за она што ги чека на континенталниот собир.
Освен Пуки, Финска во својот состав го има и голманот Лукас Храдецки од Баер Леверкузен, а пак во средината е Камара од Глазгов Ренџерс. Ќе биде интересно да се види дали Пуки ќе може да ја остави зад себе лошата клупска форма и да се инспирира од носењето на дресот на својата земја, но без разлика на тоа играта на Финска се темели на хомогеност и заедништво и токму затоа оваа селекција е опасна за сите.
Гигс со проблеми, но барем го има Бејл
Велшаните ќе го пропуштат Европското Првенство, бидејќи и покрај тоа што беа второпласирани во својата група, имаа вкупно најмалку поени од сите второпласирани екипи.
Рајан Гигс има на располагање талентиран состав, кој е мешавина од младост и искуство, но тој е без Арон Ремзи, Дејвид Брукс, Нил Тејлор и Сем Воукс за ова нивно патување во Хелсинки.
Герет Бејл сепак е достапен и тој сигурно ќе биде свеж, бидејќи за Реал Мадрид не се изнаигра. И покрај неговиот недостиг од натпревари, тој отсекогаш бил во можност да го даде максимумот за неговата земја, а надежите на Велс речиси потполно легнуваат на неговите плеќи, особено за овој меч кога Гигс не може да смета на дел од најдобрите.
Be the first to comment