Грузија е домаќин на Ирска во еден од најважните дуели во последно време за ирската репрезентација. Грузија веќе ги загуби шансите за пласман на ЕУРО преку квалификациите и сега е насочена кон баражот кои го избори преку Лигата на Нации. Ирска пак е лидер во групата, но нема друга опција освен победа во Тбилиси.
Ирците се лидери, но имаат неверојатна среќа
Лидерската позиција на Ирска во нивната квалификациска група за пласман на Еуро 2020 претставува малку заблудувачка слика за нив.
Мик Мекарти и неговите играчи во некоја друга ситуација веројатно би признале дека прото место во моментов за нив е сплет на околности и многу среќа. Но во оваа ситуација во Ирска е еуфорично, а ирците како да не се свесни дека на терен изгледаат слабо. Освен тоа не смее да се заборави и тоа дека нивните конкуренти Швајцарија и Данска имаат уште по еден меч против Гибралтар, а Ирска ги одигра двата меча со оваа аматерска селекција.
Ирците имаат три победи и две ремија, а победите им се против Гибралтар и Грузија дома. Но одиграа нерешено со Швајцарија и Данска. Реално, Ирска беше надиграна во секој поглед, но извлече по еден бод давајќи голови од единствените шанси. Дури и со Грузија дома победија тешко, бидејќи грузијците беа далеку поконкрентни. Сепак, на крајот важни се бодовите, а тие ја ставаат Ирска на првата позиција.
Има повеќе варијанти околу Ирска, но во сите е пресметана победа над Грузија
За волја на вистината, колку и да имаа среќа ирците сега имаат шанса за неверојатен успех. Долго чекаат за пласман на едно големо натпреварување, а сега шансата за тоа е голема. Овој октомвриски циклус е за нив од голема важност. Победа над Грузија е императив, за потоа во дуелите со Швајцарија на гости и Данска дома, да им бидат потребни само три бода. Тие се надеваат на три бода од Тбилиси, за потоа во последното коло против Данска да бркаат бодови во директен дуел, но на домашен терен. Различни варијанти постојат во овој момент, но во сите е пресметана победа во Грузија. Тие на првиот меч на домашен терен одиграа израмнет натпревар со Грузија, но имаа и среќа. Сега во Тбилиси ќе мораат да одиграат на многу повисоко ниво, доколку сакаат да освојат три бода. Реално, не смеат повеќе да се надеваат на среќата, бидејќи таа еднаш воовие квалификации мора да биде и на другата страна.
Приоритетите на Грузија се предност за Ирска
Ирска и Грузија како да се предодредени да играат меѓусебе во квалификации, без разлика дали се за пласман на Светско или Европско првенство. Од 2003 година, дури во пет квалификациски циклуси овие две репрезентации играат во иста група. Интересно, но Ирска само еднаш не успеа да слави победа, наспроти осумте победи до сега. Но токму тогаш кога не славеа победа, тоа значеше катастрофа за Ирците. Во квалификациите за пласман на минатото СП, во Грузија беше 1:1. Со тоа реми Ирска мораше да се задоволи само со второто место кое водеше во бараж, преку кој не успеа да обезбеди пласман на мундијалот.
Предност за Ирска овој пат ќе бидат и грузиските приоритети. Тие веќе ги загубија шансите за пласман на ЕУРО преку квалификациите и уште од сега се насочени кон баражот кои го обезбедија преку Лигата на Нации.
Be the first to comment