Лидс е домаќин на Милвол во рамки на 29-то коло на Чемпионшип. Домаќинот по двата порази во серија падна на второто место на табелата и е пред императив да победи. Гостите пак важат за домашна екипа, но секогаш играат добро против фаворитите.
Лидс со два порази во серија
Менаџерот на Лидс, Марсело Биелса, негираше дека одредена вознемиреност влијае на неговиот тим, откако Лидс претрпе порази од Шефилд Вед. и од КПР и тоа без да постигне гол. Со тоа тимот некако на лесен начин му го препушти лидерското место на тимот на ВБА.
Говорејќи по поразот со 1:0 во главниот град од КПР, Биела рече: „Мислам дека нема недоверба или дека станува збор за вознемиреност“.
Контроверзниот гол во првото полувреме се покажа како пресуден на „Лофтус роуд“ и порај тоа што Лидс ја заврши средбата со 10 фудбалери. Сепак исклучувањето на Филипс дојде многу доцна во мечот и не влијаеше премногу на резултатот.
Екипата на Биелса доминираше во поседот во второто полувреме, но не беа во можност да изнудат израмнување, откако имаа статива, пречка, па и промашен пенал преку Бамфорд.
Лидс останува бод зад лидерот Вест Бромвич, но јазот меѓу нив и плеј-офот места е само четири бода по добрата серија на Фулам. Токму поради формата на Фулам, сега тимот на Биелса е пред императив да победи бидејќи во секој друг случај ќе им биде загрозено и второто место.
Милвол се истроши во Купот, но и зачува дел од свежината
Менаџерот на Милвол, Гери Роут дури и призна дека мали се изгледите на неговиот тим против Лидс во вторник, потенцирајќи дека енергијата што ќе им биде потребна против екипата на Биелса, се потроши против Шефилд Јунајтед во саботната пресметка од ФА Купот. Лавовите навистина се потрошија премногу, а сепак загубија на домашен терен со 0:2 од премиерлигашот.
Сепак, Роут малку претерува. Му даде шанса на тој меч на десниот бек на Браун кој го одигра цел натпревар, додека 18-годишниот Били Мичел стартуваше во средниот ред на местото на суспендираниот Шон Вилијамс кој сега е свеж. Тие беа две од петте вкупни промени во тимот кој сепак успеа да зачува барем дел од свежината.
После мечот Роут го објасни својот процес на селекција, велејќи: „Мислам дека ова беше фер резултат. Денеска малку се коцкавме, како што прават многу тимови. Играме со Лидс во вторник, а Лидс имаше 10 дена пауза“. Од таму, контроверзни се неговите две изјави, а ние би требало да веруваме и во двете бидејќи и во двете изјави има дел од востината.
Be the first to comment