Во англиската Премиер Лига на програмата се натпреварите од 14-то коло. Овој викенд нема да следиме голем дерби меч, но има неколку интересни средби за обложување, а јас очекувам и сигурни победи на големите фаворити.
Њукасл – Манчестер Сити – 2-2 @ 1.57 во Bet365
Нема што многу да пишувам за овој натпревар. Се знае кој е кој, кој е фаворит, а кој аутсајдер. Се освен победа на Сити ќе биде големо изненадување. Њукасл влезе во добра форма последниот месец, но Сити не смее да си дозволи нов кикс бидејќи веќе заостанува девет бода во однос на лидерот Ливерпул.
Барнли – Кристал Палас – ГГ @ 1.95 во Bet365
Кристал Палас беше високо пласиран на табелата и играше одлично, но влезе во лоша серија. Не дека тие имаат пад во формата, но имаа неверојатно тежок распоред: Сити, Арсенал, Лестер, Челзи, Ливерпул. Во овие пет меча освоија бод само против Арсенал, но против сите одиграа на високо ниво, особено во минатото коло против Ливерпул. Барнли по двете победи од по идентични 3:0 над Вест Хем и Ватфорд се искачи на табелата, но сега ќе има тешка задача.
Челзи – Вест Хем – 1-1 @ 1.81 во 1хBet
Челзи верјатно ќе му се истури на Вест Хем, откако во минатото коло загуби од Манчестер Сити со 2:1 и покрај тоа што водеше со 0:1. Тој пораз сепак не ги разочара фудбалерите на Лампард, бидејќи тие имаа заборавено кога загубија последен пат во Премиер Лигата. Вест Хем пак има заборавено кога победил последен пат. Тие имаат солиден тим, но играат под сите очекувања и веројатно ќе се борат за опстанок. Бодовите, треба да ги бараат против други екипи, послаби од Челзи.
Ливерпул – Брајтон – 3+ @ 1.43 во 1хBet
Брајтон знае да изненади, но кога игра дома. Сега гостува на Енфилд и се освен три бода за Ливерпул ќе биде огромно изненадување. Тимот на Клоп игра неверојатно добро, има веќе девет бода предност пред конкурентот Сити и осум бода повеќе од Лестер. Откако одиграа реми 1:1 против Наполи во Лигата на Шампиони, сите очекувања се дека Ливерпул веднаш ќе се врати на победите, а реално и има противник по мерка за такво нешто.
Тотенхем – Бурнемут – 1 @ 1.42 во 1хBet
Мурињо дојде и Тотенхем победи на два меча по ред по подолго време. Се гледа светлина на крајот од тунелот и Спарси ќе направат се за да дојдат до трета победа во низа. Мурињо не промени премногу нешта во составот, но тимот игра подобро и доколку ја подобро дефанзивата ќе има шанса да ја сврти сезоната во своја полза. Бурнемут има само бод помалку од Спарси на табелата, но квалитетот и домашниот терен би требало да бидат доволни за домашна победа.
Саутемптон – Ватфорд – ГГ @ 1.77 во 1хBet
Дерби на дното на табелата и дуел на последно пласираните екипи во Премиер Лигата. Тешко е да се каже кој е полош сезонава. Ватфорд има осум, а Саутемптон девет бода. Која екипа и да победи, тоа многу ќе значи за нив, а и двете екипи својата шанса ја гледаат во овој меч. Ватфорд се соочува со проблеми со повредени фудбалери и игра во гости, па затоа мала предност му давам на домаќинот. Но очекувам отворена игра, а кога се игра така доаѓаат и головите.
Норвич – Арсенал – 2 @ 1.78 во Bet365
Тимот од Лондон се наоѓа во еден крајно турбулентен период. Конечно Емери си замина од тимот, откако доби сосема заслужен отказ. Како да биде поинаку кога Арсенал нема победа на седум меча по ред. Но она што е интересно – легендата на тимот Љумберг е назначен за привремен менаџер и ќе дебитира токму на овој меч. Тој добро ги знае фудбалерите на Арсенал бидејќи долго време работи во тимот, а сите во Арсенал би требало да имаат големи мотиви по овие промени. Норвич бодовите треба да ги бара против други екипи, не против Арсенал и Љумберг.
Вулвергемптон – Шефилд Јунајтед – ППХ @ 2.00 во 1хBet
Тешко дека некој пред почетокот на сезоната можеше да го нарече ова дерби меч. Но ова е дерби ако се погледнат местата на табелата – Вулвс е 5-ти, а Шефилд е 6-ти со само еден бод заостанување. Вулвс нема пораз од средината на Септември, а Шефилд нема пораз на шест натпревари по ред и тие се најголемо изненадување оваа сезона во Англија. Тешко е да с епогоди конечниот победник на овој меч и добро е да го нема овој натпревар на вашите тикети.
Лестер – Евертон – 1 @ 1.63 во Bet365
Ќе се најде ли екипа што ќе го сопре Лестер. Тимот на Брендон Роџерс на последните 14 меча има 12 победи и само два порази, а има шест победи во серија со импресивна гол разлика и тоа против силни екипи. Ако Лестер продолжи во овој стил, тие лесно ќе обезбедат пласман во Лигата на Шампиони следната сезона. Евертон пак е најголемо разочарување сезонава, а поразот од Норвич минатото коло на домашен терен беше само капак на очајните игри. Тешко дека во една таква атмосфера и слаба форма, Евертон ќе може да го изненади разиграниот Лестер.
Манчестер Јунајтед – Астон Вила – 1 @ 1.51 во 1хBet
Солскер целосно ротираше со тимот на гостувањето во Казакстан против Астана во Лигата на Европа, па тој пораз не смее да ве залажи. Но Јунајтед не е на посакуваното ниво ниту во Премиер Лигата. Оние повредени фудбалери очигледно дека се голем проблем, а освен тоа се зборува дека во тимот повеќе не владее позитивна атмосфера. Астон Вила игра според очекувањата, но веројатно ќе се бори за опстанок до крајот на сезоната. Без разлика на се, јас вериувам дека Манчестер ќе ги осви трите бода.
Be the first to comment