Барселона – Интер е дерби натпреварот на второто коло во фудбалската Лига на Шампиони. Овој меч се игра во среда на Камп Ноу и привлекува огромно внимание во цела Европа. Ќе биде интересно да се види како ќе реагира Конте, по киксот со Славиа Прага во првото коло, но и како ќе одигра Барса која само на еден натпревар сезонава ја зачува чиста својата мрежа.
Барса сезонава игра под сите очекувања
Победата на гости против ликовите на Хетафе обично би се сметала за рутински настан за Барселона, но сепак таа нивна победа од 0:2 во текот на викендот имаше одредено значење.
Тоа беше прва победа во сезоната за Барселона на гостински терен и нивни прв натпревар сезонава во кој не примија гол во Ла Лига. А тоа за нив, беше седмиот натпревар во домашниот шампионат. Гетафе успеа да создаде многу шанси, што создава дополнителна загриженост бидејќи Барса се приближува кон клучниот натпревар во Лигата на шампионите со Интер.
Истото важеше и пред нивниот натпревар против Борусија Дортмунд во првото коло. Барселона успеа да ја зачува својата мрежа со многу среќа и успеа да освои бод играјќи 0:0. Тој резултат и бод дојде благодарение на херојството на нивниот голман тер Штеген, кој имаше неколку одлични одбрани, меѓу кои и пеналот на Марко Ројс.
Меси веројатно ќе игра, но …
Ернесто Валверде во поголемиот дел од сезоната е без Лионел Меси. Но Меси се врати по повредата и веќе играше на два натпревари против Виљареал и Гранада. Но на мечот со Виљареал мораше да биде повлечен од игра на полувремето, бидејќи се активирал проблемот кој го одалечи од теренот на почетокот од сезонава. Го пропушти мечот против Гетафе, но веќе тренира и големи се шансите да настапи против Интер. Но и да настапи, прашање е колку е спремен да даде 100% од своите можности, после една таква пауза и веднаш против екипа како Интер.
Но со неговото враќање Барса и Валверде нема да ги решат проблемите со одбраната, која ќе мора да биде на далеку повисоко ниво од до сега, доколку сака да освои три бода против Итнтер.
Продолжуваат проблемите на Конте на европските натпревари
Антонио Конте може да биде во нов клуб, но веројатно не може да ги реши своите проблеми.
Интер има неверојатен старт на сезоната о Серија А, старт над сите очекувања. Тие славеа на сите шест натпревари во Серија А и се лидери со два бода над повеќекратниот по ред шампион Јувентус. Тое дефинитивно е убав почеток на ерата на Конте во клубот.
Сега, на ред се двата најголеми теста досега на Конте. Следниот викенд тие ќе бидат домаќини на Јувентус на „Џузепе Меаца“, но најпрво се соочуваат со тешко гостување во Барселона. Е сега, ако Конте имал неуспех во неговата инаку многу успешна менаџерска кариера, тоа се неговите настапи во Европа со Јувентус и Челзи.
Во првиот натпревар на Интер во групата Ф продолжија тешкотиите на Конте во европска конкуренција. Неговата екипа беше апсолутен фаворит и се очекуваше лесно да ја совлада Славија Прага на домашен терен, но сепак не можеше да се справи со преспората игра на чешката екипа и на крај имаше среќа што мечот заврши 1:1. Поради тој кикс, поразот на овој натпревар со Барса, би бил голем удар врз надежите на Интер да се пласира во следната фаза од Лигата на Шампиони.
Интер ќе постигне гол
Шпанските гиганти ги освоија сите три натпревари на „Камп Ноу“ оваа сезона. Но Интер го претставува најдобриот тим што досега ќе гостува кај нив, што ја прави квотата за домашна победа интересна и тоа во време кога Барселона е далеку од најдоброто свое светло.
Е сега, Барса славеше на трите домашни натпревари, но нивната одбрана на двапати прими по два гола. Против Интер кој постигна голови на сите седум натпревари оваа сезона, има една игра која е многу привлечна. За победа на Барселона и двата тима да постигнат гол, коефициентот е околу 3.10.
Сепак, ова важи само доколку воопшто верувате во победа на Барса. Тие би требало да примат гол од Интер, но прашање е колку голови можат да постигнат против одбрана во која се Годин, Шкинаир и Де Вриј.
Be the first to comment