Лајпциг и Баерн Минхен во сабота на Олимпискиот стадион во Берлин ќе играат во големото финале на германскиот Куп. Фаворит е Баерн, но Лајпциг веќе докажа дека може да се носи со најдобрите, а сега го најавува својот прв голем трофеј во историјата.
Баерн сака двојна круна
Баерн Минхен може да ја комплетира сезонава со двојна круна во сабота, но само со победа во финалето на германскиот Куп. Размислувањата на навивачите на Баерн, но и на фудбалските аналитичари се поделени, околу тоа како да се оцени сезонава. Баерн Минхен многу потешко од очекувањата ја освои титулата во Бундеслигата, а долго време ја бркаше лидерската позиција. Титулата беше освоена во последното коло и тоа благодарение на неколкуте неочекувани киксови на Борусија Дортмунд. Сепак, со титула и во Купот тоа достигнување најверојатно ќе тргне сите сомнежи за тренерот Нико Ковач до следната сезона. Иако, сомнежите се донекаде оправдани пред се поради раната елиминација од Лигата на Шампиони.
Купот го донесе Ковач во Баерн, но Купот може и да го избрка
Германските шампиони се очекува да бидат многу активни во текот на летото, односно во трансфер периодот. Шампионите од последното Светско првенство Лукас Ернандез и Бенџамин Павард веќе се согласија да се преселат во Алијанц арената. Оваа недела Баерн го потврди и својот интерес да го привлече Лерој Сане од Манчестер Сити назад во Германија.
Но Ковач е свесен дека можеби попусти се плановите доколку тој не го освои и Купот, бидејќи на тој начин ќе собере дополнителни непријатели и ќе си ги потроши кредитите. Тој веќе го подигна трофејот во ова натпреварување како менаџер на Ајнтрахт Франкфурт минатата сезона. Тој го победи токму Баерн во финалето што беше уште еден плус за неговото назначување на тренер во Баерн. Сега, токму Купот повторно може да одигра голема улога во неговата кариера, но во обратен правец.
Лајпциг со втор најдобар резултат во 2019 година
РБ Лајпциг го имаше вториот најдобар резултат во Бундеслигата ако во предвид се земат само натпреварите одиграни во 2019 година. Ако се тргнат на страна последните три меча од Бундеслигата кои реално немаа никакво значење за тимот, може да кажеме дека Лајпциг е во неверојатна форма. Саботниот меч во Берлин е настан кој ќе се памети долго во тимот. Ралф Рангник и неговите играчи ќе влезат во историјата доколку го освојат својот прв голем трофеј. Баерн има повеќе талент и квалитет, но Лајпциг веќе докажа дека може да се носи со најдобрите.
Ова би бил историски прв голем трофеј за Лајпциг
Лајпциг имаше една цел сезонава – пласман во Лигата на Шампиони. Тие веќе одамна го обезбедија пласманот во фудбалската елита. Тимот е извонреден и беше непоразен во 17 натпревари во сите натпреварувања оваа календарска година. Одбраната е најдобра во Бундеслигата во тој временски период. Сепак, биковите немаат натпревар без примен гол речиси еден месец, односно примија голови на последните 5 натпревари. Особено загрижувачки се последните три меча и оној против Мајнц кој заврши со 3:3. Сега се поставува прашањето зошто Лајпциг, односно неговата одбрана падна во формата толку многу. Ако тимот успее да ја врати сигурноста во одбраната, тогаш Баерн ќе има навистина тешка задача.
Наш предлог:
Be the first to comment