Викендов во Премиер Лигата ќе го следиме супер интересното дерби помеѓу Челзи и Сити. Овој меч привлекува огромно внимание поради многу причини. Меѓусебе ќе играат два претеденти за титулата предводени од двајца тренери кои претпочитаат сличен стил на фудбал. Двајца тренери кои се почитуваат меѓусебе и кои досега ни понудиле фантастичен фудбал во меѓусебните пресметки.
Пеп и Сари можат да понудат само фантастичен фудбал и ништо друго
Пеп Гвардиола има огромна почит кон Маурицио Сари и нивните двобои минатата сезона кога Сари го водеше тимот на Наполи донесоа апсолутно фантастичен фудбал. И двајцата се посветени на позитивно гледање на фудбалот, на гол повеќе во противничката мрежа, обично во формација 4-3-3. И оваа средба треба да биде полна со технички квалитет и умно движење на фудбалерите, со многу тактички надмудрувања но во офанзивна смисла.
Сепак, неодамнешната форма на Челзи е загрижувачка. Природата на нивниот пораз од 3:1 против Тотенхем пред две недели сугерираше дека тие се борат со притисокот на јавноста. Но поразот од 1:2 во Вулверхемптон пред неколку дена беше големо изненадување. Затоа, тие ќе влезат во овој меч со намалена самодоверба.
Сари е лесно читлив, но …
Тимот на Сари оваа сезона е многу предвидлив. Голманот Аризабалага, полека се навикнува на Англија, а одбраната е секогаш иста со Аспиликуета, Антонио Рудигер, Давид Луиз и Маркос Алонсо. Гвардиола ќе ја бара најранливата област во оваа позадина и најверојатно ќе одлучи дека Алонсо има тенденција да ја напушта својата позиција, а Луиз кој би останал зад него, ќе биде зона за искористување.
Во средината на теренот, имаше дебата за улогите на Жоргињо и Н’Голо Канте, но начинот на кој Канте привлекува противнички фудбалери им отвара простор на крилата. Од друга страна се почесто Канте ја искористува својата енергија за да премнине во офанзивна позиција. Сепак, Жоргињо изгледаше помалку удобно кога беше силно притиснат оваа сезона, во случаевите кога Канте оди понапред, а Сити може да го искористи тоа.
Третиот фудбалер од средниот ред е непознат. Рос Баркли и Рубен Лофтус-Чек имаат изненадувачки резултати во последниве недели, но Матео Ковачиќ може да биде фаворизиран за овој меч.
Во офанзива, клучен играч за Челзи е Еден Хазард, кој беше одличен и покрај поразот од Вулверхемптон. Тој ќе има тешка задача да создаде хемија помеѓу линиите на средината и нападот. Хазард претпочита да игра со Оливие Жиру, поради неговото одлично позиционирање, но Алваро Мората најверојатно ќе биде партнер на Хазард. Десно, Педро може повторно да го заземе своето место на сметка на Вилијам, бидејќи Сари веројатно сака некој што може да нападне зад левиот бек на Сити и да влетува во шеснаесеттикот, наместо да кружи околу него.
Левата бековска позиција е проблематична за Пеп
Левата бековска позиција е главната област на загриженост за Гвардиола. Бенџамин Менди сеуште е надвор од стројот, Олександр Зинченко го пропушти патувањето во Ватфорд во средината на неделата, а Фабијан Делф на тој меч направи грешка и Сити прими гол. Данило би можел да биде распореден лево, но дали тоа ќе биде добра опција. Сепак, Пеп би можел да стартува со некој од Зинченко или Делф, со тоа што тие би имале исклучително дефанзивна задача како не би оставале простор при грешки во офанзива. Во тој случај има добра и лоша страна. Тоа може да придонесе офанзивците да Челзи да бидат поофанзивни што би му овозможило простор на Сане. Од друга страна дефанзивецот од таа страна на Челзи може да биде постојано залепен за Сане.
Кајл Вокер ќе има голема работа на другата страна за да го сопре Хазард. Џон Стоунс и Ајмерик Лапорте се најверојатната комбинација на централните бековски позиции, бидејќи и двајцата беа одморени во средината на неделата.
Гвардиола секогаш сака да изненади во вакви големи натпревари, често со преоптоварување на средниот ред. Но, мислам дека тој ќе се држи со триото Фернандињо, Бернардо Силва и Давид Силва. Ова трио има вештини за мобилност и играње со брзи и кратки додавања многу повеќе од триото на Челзи. Илкај Гундоган, најверојатно ќе биде само замена овој пат.
Ќе започне Агуеро? Или пак ќе гледаме лажна деветка?
Ријад Махрес беше импресивен во средината на неделата, но тешко е да се види како Гвардиола ги седнува на клупа Сане или Рахем Стерлинг. Махрес постигна гол и асистираше против Ватфорд пред неколку дена и игра одлично секогаш кога стартува кај Пеп. Сепак, Стерлинг има клучна улога поради неговата брзина, а сега таа брзина ќе биде повеќе од потребна против Аспиликуета или Алонсо.
Најголемото прашање е кој ќе стартува како централен напаѓач. Серхио Агуеро ги пропушти последните неколку натпревари. Зарем не бил ризичен негов настап од првата минута? Или пак не е сериозно повреден? Габриел Хесус не гледаше во добра форма оваа сезона и покрај голот против Ватфорд, па можеби изненадување на Гвардиола ќе биде токму таа позиција.
Стерлинг како лажна деветка со Махрез на десната страна? Гундоган на средината на теренот со Бернардо Силва, туркајќи се при секоја можност во нападот? Ако Агуеро се чуствува добро, тој ќе почне, но во спротивен случај можноста за игра со лажна деветка и густ среден ред е огромна.
Наш предлог:
Двете екипи да постигнат гол @ 1.63 во Coinbet24
Be the first to comment