Стартува новата НБА сезона: Ова се најголемите фаворити!

Во сезоната 2018/2019 во НБА ќе се појават рекорден број на играчи од Европа – дури 67, а 17 (најмногу) доаѓаат од просторите на поранешна Југославија.

Бројката од 17 кошаркари од просторите на поранешна Југославија зборува дека играта под обрачите достигна едно повисоко ниво.

Од вкупниот број петмина доаѓаат од Србија (Никола Јокиќ, Милош Теодосиќ, Бобан Марјановиќ, Немања Бјелица и Богдан Богдановиќ). Хрватите се горди на шестмина (Дарио Шариќ, Бојан Богдановиќ, Ивица Зубац, Драфан Бендер, Анте Жижиќ и Марио Хезоња), по двајца имаат Словвенците (Горан Драгиќ и Лука Дончиќ) Босна и Херцеговина (Јусуф Нуркиќ и Џанан Муса) и Црна Гора (Никола Вучевиќ и Никола Миротиќ).

Првите натпревари во НБА лигата се играат на ноќта помеѓу 16-ти и 17-ти октомври.

Во првите натпревари ќе се сретнат:

Милвоки – Шарлот

Бруклин – Детроит

Мемфис – Индијана

Мајами – Орландо

Њу Орлеанс – Хјустон

Минесота – Сан Антонио

Јута – Сакраменто

Денвер – ЛА Клиперси

Далас – Феникс

Обложувалниците веќе ги извадоа коефициентите победник во конференциите. Па така според bet365 најголем фаворит во Источната конференција е Бостон со коефициент 1.85, пред Торонто (4.50) и Филаделфија (4.75).

Кога станува збор за Западната конференција, Голден Стејт е убедливо најголем фаворит со коефициент 1.38, пред Хјустон (6.25) и Лејкерси (8.00).

Be the first to comment

Leave a Reply

Your email address will not be published.


*