Германската фудбалска сезона започнува оваа сабота, кога на програмата е Суперкупот на Германија, помеѓу двете најдобри германски екипи Борусија Дортмунд и Баерн Минхен. Минхенскиот тим имаше очајна предсезона, а има и доста проблеми со повредени фудбалери, додека Дортмунд и покрај тоа што се наоѓа во промелнива форма игра на домашен терен и тоа се очекува да биде голема предност на овој меч за нив.
Борусија Дортмунд
Невообичаено Борусија Дортмунд ова лето ги зачува своите најдобри фудбалери, за разлика од минатите години кога речиси во секој преоден рок овој тим доживуваше рестарт. Сепак ако нема промени во играчкиот кадар, промената дојде на клупата. Тренерот Томас Тухел си замина по само две сезони иако Дортмунд играше одличен фудбал под негово водство а овој стратег го освои и Купот на ДФБ што беше прв голем трофеј по 2012 година.
На негово место дојде уште еден одличен стратег и тоа холанѓанецот Питер Бош кој сега треба да ги убеди лојалистите на Тухел, кои не се во мал број, дека тој е вистинскиот човек за клупата на Дортмунд. Бош направи одлична работа во својата единствена сезона во Ајакс, ги одведе во финалето на Лигата на Европа и го освои второто место во домашниот шампионат, што за него беше најголем успех ако се знае дека предходно беше тренер на далеку послаби екипи како: АГООВ, Де Грашсхап, Хераклес, Витесе и Макаби Тел Авив.
Бош и Дортмунд имаат мешана предсезона. Победи над Милан и јапонска Урава на турнејата во Азија, но тимот загуби од Аталанта, Еспањол а доживеа и алармантен пораз од нисколигашот Рет-Вајс Есен, додека одигра нерешено со Бохум. Сепак Бош верува дека Дортмунд се наоѓа на вистинскиот пат а има и некои позитивни работи. Дортмунд успеа да го донесе одличниот бек Омер Топрак од Баер Леверкузен а Гетце полека но сигурно се опорави по повредата и се враќа во старата форма. Уште една голема позитива е тоа што најдобриот играч на тимот Пјер-Емерик Аубамејанг се уште е во екипата откако беа одбиени огромните финансиски понуди на ПСЖ, Милан, неколку од Кина и од Премиер Лигата. Американскиот најголем талент Кристијан Пулишиќ го продолжува својот неверојатен напредок а и покрај цврстиот интерес од Барселона, одличниот Оусман Дембеле се уште е на располагање на Бош.
Првиот официјален меч против Баерн Минхен дефинитивно ќе го пропуштат: Андре Шурле, Ерик Дурм и Емре Мор, сите поради повреди.
Баерн Минхен
Според многумина првата сезона под водство на Карло Анчелоти за Баерн Минхен не беше добра, иако од друга страна не може да се каже дека беше којзнае колку лоша. Бундеслигата беше освоена и тоа со удобна разлика иако со не толку атрактивна игра на која навивачите на Баерн како да се навикнаа. Во ДФБ Купот Баерн беше елиминиран во полуфиналето токму од Борусија Дортмунд а Баерн падна многу порано од очекувањата и во Лигата на Шампионите од Реал Мадрид во четвртфиналето.
Баерн во преодниот рок повлече неколку добри потези. Успеа да ги купи двајцата најдобри играчи за врска на лани одличниот Хофенхајм, Себастијан Руди и Никлас Шуле а во средниот ред го ангажираше и најдобриот фудбалер на Лион, Корентин Толисо, со што средниот ред доби на цврстина, на креативност но и на неверојатно силна конкуренција. Сепак како трансфер број еден се смета оној на Џејмс Родригез кој како позајмен фудбалер пристигна од Реал Мадрид.
Сепак, не е се така добро во Минхен. Баерн имаше страшна пред сезоната, кулминирајќи со два катастрофални настапи на својот Ауди Куп во Минхен. Тие беа декласирани прво од Ливерпул со 3:0, а потоа загубија со 2:0 од Наполи во мечот за третото место. Во четири од последните пет натпревари во подготвителниот период, Баерн загуби без да постигне гол.
На овој меч од стартот би требало да настапат двете засилувања од Хофенхајм, но нивното подоцнежно доаѓање во подготвителниот период поради настапот на Купот на конфедерации на ФИФА, значи дека тие не се воиграни со тимот, а поради истите причини Артуро Видал чуствува преголем замор и не се знае колку ќе може да одигра на високо ниво. Баерн ќе настапи и без Мануел Нојер кој сеуште заздравува од повредата на ногата, а отсутен ќе биде и Бернат, по операцијата на глуждот. Сепак, Тиаго, кој ја напушти претсезонската турнеја на далечниот исток поради повреда, како и Арјен Робен и Џером Боатенг кој сеуште немаат ниту еден настап од почетокот на подготовките, почнаа да тренираат со тимот и можно е да настапат против Дортмунд, но прашање е за колку минути се подготвени и тројцата фудбалери и колку Анчелоти ќе сака да ризикува нови повреди кај нив.
Бет365 нуди атрактивни коефициенти
И покрај неодамнешната појава на Лајпциг како силен германски тим, овие два тима се уште се најсериозните клубови во германскиот фудбал. Тимовите се соочија четири пати во предходната сезона, забележувајќи по две победи, но може да се каже дека Дортмунд беше поуспешен бидејќи го совлада Баерн во полуфиналниот меч на ДФБ Купот на Алијанц арената.
Баерн Минхен има доста проблеми со повредите на некои од клучните играчи, па иако нивниот тим и покрај тоа е силен има уште многу проблеми што Анчелоти треба да ги реши, а против Дембеле, Аубамејанг и Пулишиќ, проблемите тешко дека ќе бидат одминати.
Коефициентот 3.30 за победа на Дортмунд изгледа премногу голем, па добро е на овој меч да се проба играта Draw No Bet што би донел коефициент од 2.42 во бет365.
Над или под 2,5 гола
Иако Бундеслигата важи за една од најефикасните лиги во Европа, осум од последните 12 меѓусебни пресметки меѓу овие две екипи имаат завршено со помалку од три гола. Во оваа пресметка, за помалку од 2.5 гола бет365 нуди коефициент 2.35, што е неверојатно добар коефициент за оваа игра и вреди да се проба.
Кој фудбалер ќе постигне гол
Аубамејанг постигна 31 погодок во последната сезона и погоди во двете победи на Дортмунд против Баерн. Според тоа вреди да се обложите на тоа дека овој фудбалер ќе постигне гол, што ќе ви донесе коефициент од 1.95 во бет365.
Кога во прашање се фудбалерите на Баерн Минхен, тука секако е Роберт Левандовски кој минатата сезона ја заврши како втор стрелец во Бундес лигата со само еден гол помалку од Аубамејанг. Овој пат полљакот е фаворит за постигнување на гол со коефициент од 1.73 во бет365.
Препорачани облози:
Борусија Дортмунд Draw No Bet @ 2.42
Пјер-Емерик Аубамејанг да постигне гол @ 1,95
1 Trackback / Pingback