Против хендикеп обложувањето (Against the spread) покажува колку често обложувалниците го потценуваат или преценуваат одреден тим. Првично се користи во американските спортови, но исто така може да се користи за анализирање на европски фудбалски натпревар.
Што значи „Против хендикеп“ (Against the spread)
Поимот Против хендикеп првично е познат по американските спортови како кошарка и американски фудбал, и може да се користи на два начини:
- Како опис на хендикеп, кој може да се спореди со азискиот хендикеп. На двата тима им е доделен хендикеп, кој може да биде -4.5 за фаворитите и +4.5 за аутсајдерите. Доколку се обложите Против хендикеп значи дека фаворитот треба да победи со 5 или повеќе поени, или аутсајдерот да изгуби со помалку од 5 поени.
- Против хендикеп исто така се користи во американските спортови како индикатор за тоа како им оди на тимовите. Колку се добри тимовите за да го победат хендикепот односно аутсајдерите да изгубат со помалку поени од хендикепот, а фаворитите да победат со повеќе поени од хендикепот.
Овој текст е посветен на број 2), бидејќи не е незамисливо користењето на статистики за хендикеп во пресметување на вредноста на облог.
Ваквите статистики можат да ни покажат каков е пазарот, дали може да се процени вистинската сила на тимот и дали има некои тимови кои постојано се преценети или потценети.
Теоријата е дека ако најдеме тим кој е константно потценуван, обложување на хендикеп на овој тим е профитабилно за нас. Да ја земеме за пример Премиер лигата.
Разлика помеѓу табелите
Премиер лига 2016/2017 по 20. коло| Место | Тим | Натпревари | Поб-Нер-Пор | Поени |
|---|---|---|---|---|
| 1 | Челзи | 20 | 16 - 1 - 3 | 49 |
| 2 | Ливерпул | 20 | 13 - 5 - 2 | 44 |
| 3 | Тотенхем | 20 | 12 - 6 - 2 | 42 |
| 4 | Манчестер Сити | 20 | 13 - 3 - 4 | 42 |
| 5 | Арсенал | 20 | 12 - 5 - 3 | 41 |
| 6 | Манчестер Јунајтед | 20 | 11 - 6 - 3 | 39 |
| 7 | Евертон | 20 | 8 - 6 - 6 | 30 |
| 8 | Вест Бромвич Албион | 20 | 8 - 5 - 7 | 29 |
| 9 | Бурнемут | 20 | 7 - 4 - 9 | 25 |
| 10 | Саутемптон | 20 | 6 - 6 - 8 | 24 |
| 11 | Стоук | 20 | 6 - 6 - 8 | 24 |
| 12 | Барнли | 20 | 7 - 2 - 11 | 23 |
| 13 | Вест Хем | 20 | 6 - 4 - 10 | 22 |
| 14 | Ватфорд | 20 | 6 - 4 - 10 | 22 |
| 15 | Лестер | 20 | 5 - 6 - 9 | 21 |
| 16 | Миделсбро | 20 | 4 - 7 - 9 | 19 |
| 17 | Кристал Палас | 20 | 4 - 4 - 12 | 16 |
| 18 | Сандерленд | 20 | 4 - 3 - 13 | 15 |
| 19 | Свонси | 20 | 4 - 3 - 13 | 15 |
| 20 | Хул | 20 | 3 - 4 - 13 | 13 |
Јасно е дека моментално Челзи е најдобриот тим бидејќи имаат најмногу поени по 20 изиграни натпревари.
Спротивно, Хул се најлоши, и вреди да се спомене дека минатогодишниот шампион Лестер оваа година се помеѓу последните на табелата.
Значи, вака изгледа табелата на Премиер лигата, но изгледа тотално различно ако ги рангираме тимовите по тоа колку добро ги играат хендикепите.
Против хендикеп статистиката е врз основа на азискиот хендикеп, каде тимовите се еднакво јаки во однос на коефициентите. Исто така, покажува дека тимовите мора да го победат хендикепот во 50% од натпреварите за да имаат позитива, тоа покажува дека се потценети, а тимовите кои имаат помалку од 50%, имаат негатива и се сметаат за преценети.
Премиер лига 2016/2017, Против хендикеп статистика| Место | Тип | Натпревари | Против хендикеп | Против хендикеп % |
|---|---|---|---|---|
| 1 | Вест Бромвич Албион | 20 | 14 - 1 - 5 | 70 % |
| 2 | Барнли | 20 | 12 - 0 - 8 | 60 % |
| 3 | Евертон | 20 | 11 - 0 - 9 | 55 % |
| 4 | Бурнемут | 20 | 11 - 0 - 9 | 55 % |
| 5 | Челзи | 20 | 11 - 4 - 5 | 55 % |
| 6 | Ливерпул | 20 | 10 - 1 - 9 | 50 % |
| 7 | Стоук | 20 | 10 - 1 - 9 | 50 % |
| 8 | Миделсбро | 20 | 10 - 2 - 8 | 50 % |
| 9 | Манчестер Јунајтед | 20 | 9 - 1 - 10 | 45 % |
| 10 | Манчестер Сити | 20 | 9 - 0 - 11 | 45 % |
| 11 | Тотенхем | 20 | 9 - 1 - 10 | 45 % |
| 12 | Вест Хем | 20 | 9 - 1 - 10 | 45 % |
| 13 | Саутемптон | 20 | 9 - 1 - 10 | 45 % |
| 14 | Сандерленд | 20 | 9 - 2 - 9 | 45 % |
| 15 | Арсенал | 20 | 9 - 2 - 9 | 45 % |
| 16 | Кристал Палас | 20 | 8 - 1 - 11 | 40 % |
| 17 | Свонси | 20 | 8 - 0 - 12 | 40 % |
| 18 | Ватфорд | 20 | 8 - 0 - 12 | 40 % |
| 19 | Хул | 20 | 7 - 1 - 12 | 35 % |
| 20 | Лестер | 20 | 6 - 3 - 11 | 30 % |
Вест Бромвич Албион и Барнли се истакнуваат
Ова јасно покажува сосема различно рангирање на тимови, како на пример Вест Бромвич Албион е всушност најдобриот тим во Премиер Лигата во однос на хендикепите. На второ место се Барнли, додека Евертон е на трета позиција.
Можеби најдобриот пример во табелата за тоа како може да се користи Против хендикеп статистиката во однос на пазарот на преценетост / потценување на клубови, е ако го погледнеме минатогодишниот шампион Лестер.
Нивната титула и одличната игра во минатата сезона значи дека на пазарот хендикепот е постојано поставен погрешно, бидејќи едноставно ги оценува според играта која ја покажале минатата сезона, а не од тоа што го покажуваат оваа година.
Според досегашната Против хендикеп статистика, ова е најпреценетиот тим во лигата и победил хендикеп во само 30% од натпреварите.
Исто така може да се забележи дека на пазарот добро се поставени хендикепите за најдобрите тимови, сите имаат од 45% до 55%, што покажува дека нивната сила е добро пресметана и затоа е поставен правилен хендикеп.
Како да го користите Против хендикеп во пресметка на вредноста
Во потрагата по висока вредност, ПРОТИВ ХЕНДИКЕП статистиката може да биде многу корисна алатка. На подолг рок, можете да имате неколку добри игри на тим кој е преценет или потценет.
На пример, кога Вест Бромвич го назначи Пулис за менаџер. Доколку ја имавте Против хендикеп статистиката, ќе знаевте дека во последните две сезони, Пулис како тренер на Стоук, го победувал хендикепот во 52.6% (сезона 2011/2012) и 55% (сезона 2012/2013) од натпреварите.
Доколку бевте свесни за ова, тогаш би знаеле дела тој е човек кој успева да ги исполни очекувањата на пазарот.
Па така, кога ги презел Вест Бромвич, во првата сезона го победил хендикепот во 55% од натпреварите.
Оваа сезона, тимот досега победил хендикеп во 70% од натпреварите, што е импресивно, и профитабилно за оние кои го забележале ова.
Колку порано сте забележале дека вреди да се игра хендикеп на тимот на Пулис, толку повеќе пари сте добиле.
Истото важи и за обратната ситуација, Ливерпул во последните 6 сезони игра под хендикепот, односно не ги исполнува очекувањата на пазарот.
Значи, Против хендикеп обложувањето е едноставно, и играчите треба што поскоро да ги забележат тимовите кои ги исполнуват или не ги исполнуват очекувањата. Доколку забележите шаблон уште рано во сезоната, имате шанси за добра заработка.
Не го користете Против хендикеп обложувањето неразумно и на слепо
Како и се друго, во обложувањето ништо не доволно само по себе. Така, Против хендикеп статистиката на индивидуалните тимови не е доволна за да се открие дали има вредност во облогот.
Обложувалниците се свесни за оваа статистика, и иако сакаат да постават понуди кои ќе ги привлечат играчите да се обложуваат на двата тимови, очигледно е дека ги прилагодуваат понудите во однос на преценетоста/потценетоста во однос на Против хендикеп.
Ова значи дека, на пример, во однос на моменталната Против хендикеп табела, не можеме слепо да продожиме на играме на Вест Бромвич или Барнли до крајот на сезоната. Мора да бидеме свесни дека пазаот е свесен за овие статистики и нормално дека ќе ги прилагодува хендикепите за да бидат пореални.
Така, нажалост, мораме повторно да го разгледуваме секој натпревар индивидуално и да го разгледаме хендикепот за секој натпревар. Сепак, можеме да ја користиме Против хендикеп статистиката за две работи:
1: Дали пазарот продолжува да поставува атрактивни понуди за одредени тимови, па сеуште се исплаќа да се игра за/против тој тим?
2: Дали пазарот го прилагодил хендикепот, па е доволно атрактивен за да се игра, на пример, против Вест Бромвич или Барнли? Дали имало подобри понуди за Лестер, па вреди да се игра на нив до крајот на сезоната затоа што имаат поголема шанса да го победат хендикепот?
Заклучок и пример
Заклучокот за Против хендикеп статистика во однос на обложување на европскиот фудбал е дека тоа е многу корисна алатка, но, како што беше претходно споменато, сама по себе не е доволна. Потребна е за играчот веднаш да забележи дали тимовите се преценети или потценети од страна на обложувалниците и на пазарот во целина.
Особено ќе биде корисно во првата половина од сезоната да се игра хендикеп против преценетите тимови и за потценетите тимови. Ние мора да бидеме внимателни да не ја користиме алатката како директно предвидување на иднината, бидејќи мала е веројатноста тимовите да бидат преценети во текот на целата сезона.
Така што, треба да внимаваме, особено во втората половина од сезоната, дали пазарот ги прилагодил очекувањата, и дали сега вреди да се игра против тимовите кои биле потценети досега.
Ретко се случува тимот да ги надигра очекувањата на пазарот со 70%, во текопт на една сезона. Единствен тим ког го направил тоа е Лестер во минатата сезона, додека останатите јаки тимови го победуваат хендикепот во 55%-60% од натпреварите во текот на една сезона.
Be the first to comment