Skrill (ex.Moneybookers): Како да отворам сметка?

skrill скрил

Skrill е таканаречен е-новчаник (електронски новчаник), бидејќи по природа е баш тоа, новчаник. Место на интернет каде можете да ги чувате вашите пари.

Сметка на Skrill е всушност сметка во онлајн банка, каде разликата од класична банка е тоа што овде нема можност да позајмувате пари односно кредит и не се плаќа камата.

Сметката на Skrill може да се користи за:

    • Уплата и исплата на/од сметката на обложувалница/кладилница/казино
    • Префрлување пари на други лица
    • Плаќање на сметка во банка

Најчесто трансферот на/од обложувалниците/кладилниците е бесплатен, односно без надоместоци доколку е со иста валута.

Некои обложувалници не наплаќаат надомест за уплата преку банкарска сметка, но доколку сакате да уплатите со чек, потребно е да платите надомест. Во вакви случаи, Skrill ви е одлична опција. Исто така може да се користи и како место каде ќе го чувате вашиот капитал, па така брзо ќе можете да извршите уплата кога и да сакате.

Отворање на сметка

Едно лице и една e-mail адреса може да отвори само една сметка на Skrill. За логирање се користи вашата емаил адреса која сте ја избрале при регистрација. Оваа адреса се користи во процесот за регистрација, каде се испраќа емаил за потврда.

При регистрација, потребно е да знаете која валута ја користи обложувалницата на која сакате да станете корисник, за да ја изберете истата валута и на сметката на Skrill. Точно е дека кога се извршува трансакција помеѓу Skrill и провајдер со различна валута, се користи понизок курс од дневниот. Иако разликата не е голема, сепак добро е да го земете тоа во предвид.

При регистрација, ве советуваме да ги прочитате правилата на Skrill пред да ја отворите сметката.

Кога регистрацијата е комплетна и сте ги обезбедиле сите лични податоци, можете да ја користите сметката на Skrill. Се логирате преку првата страна, со употреба на вашата емаил адреса и вашата лозинка.

Уплата

Методите за уплата на Skrill, зависат од државата во која сте и избраната валута. За Македонија, има три начини за уплата на средства на вашата сметка на Skrill, и сите си имаат свои предности и недостатоци.

Уплата може да се врши преку банкарски трансфер, не се плаќа надомест, но потребни се 2-5 работни дена за парите да се префрлат на сметката.

Доколку сакате побрза уплата, има можност за уплата со кредитна картичка, каде трансферот се извршува веднаш. Недостаток е што се плаќа одреден надомест. Може да се користат VISA, VISA Electron, Mastercard и други кредитни картички, па големи се шансите да бидете во можност да го коритите овој метод без разлика на видот на картичката.

Напомена: можете да уплаќате со кредитна картичка директно на обложувалницата и така нема да платите никаков надомест.
Третата опција е уплата со биткоини, за што се наплаќа надомест од 1%.

Исплата

Исто како и за уплата, и за исплата методите зависат од државата. Имате опција за исплата преку банка, кое најчесто одзема од 2-5 работни дена, како и исплата преку кредитни картички и дебитна картичка (само VISA) и е побрз метод, односно 1-2 дена.

Skrill припејд картичка

Во моментов, Skrill картички се издаваат само на резиденти на држави дел од Европската економска заедница и неколку други држави.

Лимит

Секој корисник на Skrill, има лимит на износот кој може да го уплати/подигне од сметката. Овој лимит е поставен поради безбедносни причини. Овој лимит може да се зголеми доколку исполните одредени услови како, потврдување на адреса, кредитна картичка, со што ќе ги уверите дека вие сте сопственикот на банкарската сметка/кредитната картичка.

ВИП статус

Имате можност да добиете ВИП статус на Skril, со што добивате:

  • Повисок лимит за трансфери
  • Бесплатни уплати/исплати и попуст на надоместоци
  • Сметка со две валути
  • 24/7 поддршка
  • Гаранција за вашите средства
  • Ексклузивни понуди

За да станете ВИП член, треба да имате сметка на Skrill и трансфер од најмалку 6.000 евра во еден квартален период, период од три месеци:

  • Прв квартал: 1 јануари – 31 март
  • Втор квартал: 1 април – 30 јуни
  • Трет квартал: 1 јули – 30 септември
  • Четврт квартал: 1 октомври – 31 декември

Денот кога ќе го достигнете минималниот критериум, вашата сметка автоматски добива ВИП статус. Со тоа ви се гарантира ВИП статус во тој квартал, и наредниот. На пример, ако добиете ВИП статус во февруари, го задржувате тој статус во остатокот од првиот и во целиот втор квартал.

Со цел да го задржите статусот и во третиот квартал, потребно е да ги исполните условите и во вториот квартал, во спротивно, статусо го губите на крајот од вториот квартал.

Повеќе за ВИП статусот можете да прочитате тука.

Корисничка поддршка

Седиштето на Skrill e во Англија. Можете да ги контактирате преку телефон +44 203 308 2520, за интернационални повици достапни се секој ден од неделата од 09:00-18:00 GMT.

Исто така, имаат и форма на страната каде директно можете да им пишете, и одговорот ќе биде испратен на вашиот емаил.

Be the first to comment

Leave a Reply

Your email address will not be published.


*