На три меча до крајот на сезоната, битката за титулата во Данска е навистина интересна. Митјиланд заостанува со еден бод од лидерот Копенхаген и мора да слави на сите дуели до крајот, па и на овој со Брондби кои сеуште се надева на излез во Европа.
Митјиланд мора да победува до крајот на сезоната
Митјиланд на три натпревари до крајот на сезоната во данската Супер лига, заостанува со еден бод во однос на ФК Купенхаген кој е лидер. Битката за трофејот ќе трае и ќе биде тешка, но сега веќе ништо не е во рацете на Митјиланд, кој освен што треба да ги победи последните натпревари, треба да се надева и на кикс на ФК Копенхаген.
Моментумот е на нивна страна, особено што до пред три рунди, Митјиланд заостануваше со шест бода. Копенхаген нема победа на три меча по ред, а Митјиланд е во одлична серија од четири победи и едно реми на последните пет натпревари.
Во предходното коло Митјиланд славеше над Алборг со 1:2 во една лоша игра во која имаа само 35 проценти посед на топка. Сепак, ги освоија трите бода и ги зголемија шансите за трофејот.
Нивните најнови резултати навистина ја илустрираат поентата дека има многу издржливост во одбранбената линија, па Митјиланд прими само три гола на последните шест меча. Многу нешта се на нивна страна пред овој дуел кој е од огромна важност за нив.
Брондби во катастрофална серија
Во својот последен натпревар, Брондби ремизираше 1:1 со ФК Копенхаген и Митјиланд може да им биде благодарен за тоа. Но ако Брондби можеше да му откине бод на лидерот, тогаш сигурно може и на Митјиланд.
На тој натпревар, Брондби изгледаше навистина солидно, а за тоа доволно говори и статистиката – 57% посед на топка и 14 удари кон голот на противникот. Но многу поголема е веројатноста дека тие имаа само добар ден, за разлика од противникот, особено што Брондби пред тоа реми имаше неверојатни седум порази по ред.
Напаѓачите имаа реални проблеми со постигнување голови во текот на нивните последни осум натпревари, што придонесе само за три постигнати гола. И покрај серијата на порази, Брондби сеуште има реални шанси за пласман во Европа бидејќи има само три бода помалку од Алборг, но за нешто такво тие ќе мораат да почнат да победуваат.
Тимски новости: Митјиланд
Менаџерот на Митјиланд, Бо Хенриксен нема никакви грижи пред овој натпревар, благодарение на речиси целосно здравиот тим. Се чини веројатно дека Бо ќе користи систем 3-4-3 за овој натпревар, почнувајќи го првото полувреме со: Дејвид Аустед; Хенрик Далсгард, Ерик Свјаченко, Даниел Хоег; Џоел Андерсон, Рафаел Ониедика, Евандер Фереира, Жунињо; Густав Исаксен, Андерс Драјер, Јуниор Брумадо.
Тимски новости: Брондби
И во Брондби нема никакви проблеми пред овој натпревар. Нилс Фредриксен секогаш знае да изненади со почетниот состав и веројатно и на овој меч ќе има некое изненадување. Но сигурно Брондби ќе игра во формација 4-1-2-1-2. Би требало да стартуваат: Мадс Хермансен; Андреас Брус, Сигурд Ростед, Андреас Максо, Блас Риверос; Џо Бел, Јосип Радошевиќ, Анис Бен Слиман, Матијас Грев; Матијас Квистгарден, Марко Дивковиќ.
Очекување:
Митјиланд сака титула, Брондби сака излез во Европа и веднаш е јасно дека овој меч е од голема важност за двете екипи. Сепак, многу поголема предност има домашниот тим – игра дома, се наоѓа во топ форма, има поквалитетен тим и поширок ростер на фудбалери. За мене тоа е доволно за да очекувам нивна победа и продолжување на одличната серија.
Be the first to comment