Новиот шампион во Ла Лига се среќава со носителот на титулата во Премиер лигата во првиот полуфинален натпревар од Лигата на шампионите, а стадионот „Етихад“ ќе биде домаќин на натпреварот во вторник навечер.
На момците на Пеп Гвардиола им требаше само еден гол за да го поминат Атлетико Мадрид во четвртфиналето, додека Реал на драматичен начин стави крај на надежите на Челзи за одбрана на европскиот трофеј.
Натпреварот во вторник ќе ја одбележи седмата средба помеѓу познатите непријатели Реал и Сити во Лигата на шампионите, при што Граѓаните победија со 2:1 во осминафиналето во сезоната 2019-2020, но Лос Бланкос претходно победија со 1:0 во полуфиналето во сезоната 2015-16 пред Гвардиола да го преземе тимот од Манчестер.
Сити се мачеше, но го елиминираше Атлетико
Не е прв пат во неговата истакната и секогаш контроверзна кариера, Диего Симеоне да ја загуби својата ладнокрвност на теренот додека неговиот тим Атлетико се бореше да ја скрши цврстата бековска линија на Сити. Многумина по реванш мечот во Мадрид рекоа дека Атлетико заслужи пласман во следната фаза, но тие имаа само едно добро полувреме од четирите против Сити.
Ремито без голови во шпанската престолнина беше доволно за Сити да се пласира во полуфиналето втора сезона по ред, но натпреварот беше нарушен со непријатни сцени на крајот.
Како и да е, Сити ја заврши работата на теренот пред нивните надежи за тројна круна да бидат уништени од Ливерпул во полуфиналето на ФА Купот. Сега целта е трофеј во Премиер Лигата и конечно трофеј во Лигата на Шампионите, но јасно е дека ќе имаат пеколно тешка задача и во двете натпреварувања.
Повторно пред Сити е екипа од Мадрид, но сега Реал. Непоразен на Етихад во Лигата на шампионите по поразот од Лион со 1:2 во Септември 2018 година, Манчестер Сити веќе даде 13 гола во петте домашни натпревари оваа сезона и ја зачува својата мрежа против Атлетико и Спортинг Лисабон во предходните два меча.
Но Гвардиола би можел да стане првиот менаџер кој го елиминирал Реал Мадрид од Лигата на шампионите три пати и сигурно е очаен конечно да го донесе европскиот трофеј во сината страна на Манчестер.
Реал во победничка серија на гостински терен
Откако беше принуден да ја анулира негативата од 1:0 за да го елиминираат ПСЖ, Реал Мадрид се чинеше дека ја заврши својата задача во Лондон кога славеше над Челзи со 1:3. Сепак и тоа з амалкуј ќе се покажеше како недоволно, откако Челзи со истиот резултат славеше во Мадрид. Беа потребни продолженија и малку среќа за Реал да постигне гол преку Бензема за 2:3, доволен за пласман во полуфиналето.
Во исто време, Реал е на прагот да се избори за трофеј во Ла Лига бидејќи има комотна предност пред останатите конкуренти. Тимот на Карло Анчелоти влегува во овој натпревар откако во средата вечерта се избори за триумф на гости кај Осасуна со 1:3 и покрај двата промашени пенали на Бензема.
Лос Бланкос влегуваат во првиот натпревар во серија од шест победи на гости во сите натпреварувања – постигнувајќи по три гола во последните три меча на ривалската трева – но ниту една екипа никогаш не победила на гости против два различни англиски тима во текот на нокаут рунда во една сезона во Лигата на шампионите.
Тимски новости: Манчестер Сити
Отсутните во одбраната сигурно ќе бидат голем проблем против Реал Мадрид. Кансело и Менди се суспендирани, додека Стоунс и Вокер се повредени и тие веројатно нема да бидат спремни за настап на овој натпревар.
Наше мислење е дека „Граѓаните“ ќе користат систем 4-3-3, користејќи ги Едерсон Мораес, Кајл Вокер (?), Рубен Диас, Ајмерик Лапорте, Нејтан Аке; Илкај Гундоган, Родри, Кевин Де Бруин, Ријад Марез, Бернардо Силва; Фил Фоден.
Тимски новости: Реал Мадрид
Тренерот на Реал Мадрид, Карло Анчелоти има голем број на играчи надвор од теренот. Лука Јовиќ, Еден Азар и Маријано Дијаз се оние на кои не може да смета на овој меч, а дополнителни проблеми се и повредите на Алаба и Касемиро кој сепак веројатно ќе бидат спремни за настап на овој меч.
Анчелоти ќе користи систем 4-3-3: Тибо Куртоа; Даниел Карвахал, Едер Милитао, Давид Алаба, Ферланд Менди; Лука Модриќ, Тони Крос, Едуардо Камавинга; Федерико Валверде, Карим Бензема и Винисиус Јуниор.
Очекување:
Голема е веројатноста дека Манчестер Сити ќе го диктира темпото на овој натпревар и ќе ја има топката во свој посед. Реал ќе игра претпазливо, без разлика колку и да не сме навикнати да го гледаме во таква улога. Сепак, освен Висиниус Јуниор, Реал нема играчи кои можат да одиграат брза контра, па веројатно ќе требаат да ги градат своите акции трпеливо.
Домаќинот е фаворит според букмејкерите и јас се согласувам потполно со нив, иако коефициентот за победа на Сити изгледа премал за еден ваков дерби меч во полуфинале од Лигата на Шампиони.
Be the first to comment