Лацио ќе бара враќање на победничките патеки во Серија А кога ќе ја продолжи домашната серија на натпревари против Џенова во петок навечер.
Небесносините моментално се деветти во во Италија, со 25 поени од 17 натпревари, додека Џенова се наоѓа на 18-то место, собирајќи само 10 поени од нивните први 17 лигашки натпревари во сезоната.
Лацио игра под сите очекувања
Епилогот од седум победи, четири нерешени средби и шест порази од 17 меча, на Лацио му донесе 25 бодови, со што се наоѓа на деветтата позиција на табелата, со околу 11 бода зад четвртопласираниот Наполи. Тоа четврто место се чини би било најдостижно во моментов иако Лацио имаше многу поголеми амбиции.
Сепак заминувањето на Симоне Инзаги во Интер, очигледно дека создаде големи проблеми и остави длабока трага. Ако сакаат да бидта во Топ 4, мораат да почнат да победуваат почесто, да влезат во победнички ритам. Победа на ваквите дуели како против Џенова, воопшто не треба да биде доведена во прашање.
Само една победа на последните пет средби
Тимот на Маурицио Сари беше тешко да покаже конзистентност во лигата во последните неколку недели, победувајќи на само една од последните пет средби, а тие ќе влезат во петочниот натпревар по поразот од Сасуоло со 2:1 на 12-ти Декември. Ако има нешто добро во Лацио, тоа секако е Лигата на Европа каде завршија н авторото место зад Галатасарај, а пред Марсеј и Локомотив Москва и обезбедија пласман во 1/16 финалето.
Но сега Лацио е целосно посветен на Серија А. Победата за тимот на Сари во петок би довел до израмнување на бодовите со седмопласираниот Јувентус и шестопласираната Рома, оставајќи ги на само два бода помалку од Фиорентина на петтото место. Но сите овие екипи ќе играат викендов и можно е без разлика на мечот на Лацио, разликата да остане непроменета.
Шева не донесе ништо ново
Џенова ќе влезе во овој натпревар по победата од 1:0 над Салернитана во Купот на Италија во вторник, со што се пласираше во третото коло од натпреварувањето.
Успехот во купот ќе ја зголеми самодовербата, но црвено-сините не триумфираа во Серија А ниту еднаш уште од 12-ти септември, а моментално се наоѓаат на 18-то место на табелата, освојувајќи само 10 бода од 17 натпревари.
Само една победа од 17 натпревари во Серија А оваа сезона е рамно на катастрофа и загриженоста е сосема оправдана. Дојде нов тренер во кои сите веруваа – Шевченко, но и тој не донес еништо ново, освен уште порази. Андриј Шевченко донесе само еден бод од пет натпревари во Серија А на чело на тимот.
Џенова се присутни во првата лига на Италија од 2007 година, додека минатата сезона завршија на 11-то место, па би било изненадување доколку испаднат во Серија Б.
Be the first to comment