Манчестер Сити би требало на дуелот во вторник без проблеми да го осигура својот пласман во ¼ финалето од Лигата на Шампиони. На првиот меч во Германија Сити славеше со 0:2, па сега Борусија Менхенгладбах има невозможна мисија да с еврати од таа негатива.
Мала надеж за германците е тоа што тие нема да играат во Англија, туку Сити ќе биде домаќин на реваншот во Будимпешта на Арената Пушкаш, поради строгите Ковид протоколи во Англија.
Пеп целосно се насочува кон ЛШ
Погодоците на Бернардо Силва и Габриел Хесус беа доволни за победа во првиот натпревар од 0:2. Сити има одлична сезона, а откако во Премиер лигата е пред освојување на титулата бидејќи му бега на Јунајтед со 14 бода, сега Пеп може целосно да се насочи кон трофејот кој му фали на овој тим, трофејот во Лигата на Шампиони.
Освен тоа, Сити е конкурентен за буквално сите трофеи сезонава. Во ЕФЛ Купот се наоѓа во финалето со Тотенхем, а во ФА Купот е во ¼ финалето.
Откако г декласираа своите противници во групната фаза каде забележаа пет победи и едно реми во конкуренција на Порто, Олимпијакос и Марсеј, им се погоди и противникот во оваа фаза.
Сити во последните осум години немаше воопшто среќа и покрај добрите игри, но сега приказната е поразлична. Тие имаат одлична можност и Пеп знае дека не смее да ја пропушти.
Тие се во серија од 616 минути без примен гол во Лигата на Шампиони, што е импресивен податок сам по себе, а сега имаат за цел освен што ќе минат понатаму, да не примат гол и да ја продолжат таа серија.
Менхенгладбах во очајна форма
Марко Роуз се соочува со огромен притисок последниот месец. Менхенгладбах нема победа на последните осум натпревари, а сега серијата е шест порази по ред во сите конкуренции. Во таа серија загубија од Сити, испаднаа од Купот на Германија и доживеа четири порази во Бундеслигата каде сега се наоѓаат на за нив очајното 10-то место. Се чини дека сезоната за екипата е целосно загубена.
Минатиот викенд загубија со 3:1 на гости кај Аугсбург и покрај тоа што беа надмоќни во сите статистички показатели. Имаа неверојатни 28 удари кон противничкиот гол, но дадоа само еден гол, наспроти противникот кој од 10 шута даде три гола.
Роуз не беше сведок на победа на неговиот тим откако славеше над Штудгард во Купот – пред да објави дека Борусија Дортмунд ќе биде неговата следна дестинација. Многумина веруваат дека тоа е една од причините за лошите игри на Менхенгладбах во послендо време.
Во секој случај, треба да се случи светско чудо за Менхенгладбах на било каков начин да ги расипе сметките на Пеп и Сити.
Be the first to comment