Молде е домаќин на Ференцварош во финалното коло од квалификациите за Лигата на Шампиони. Голем влог е овој меч и за двете екипи. Во прашање се милиони, па затоа и двете екипи викендов што измина играа со целосно променети состави на своите натпревари. Свежината е зачувана, а тоа значи дека целото внимание минатата недела беше насочено кон овој дуел.
Молде е благ фаворит според букмејкерите, веројатно поради домашниот терен без разлика што УЕФА сеуште нема дозволено присуство на публика на стадионите. Во сите останати сегменти на фудбалската игра, овие две екипи се речиси израмнети. Според квалитетот екипите се тука некаде, со тоа што фудбалерите на Молде имаат нешто поголемо искуство. Но Молде имаше далеку полесна задача за да стигне до оваа финална фаза од квалификациите за Лигата на Шампиони. Прво го елиминираа Купс од Финска со 5:0, па Целље во Словенија со 1:2, за во минатото коло на гости во Азербејџан да го минат Карабаг со 0:1 но дури по продолженија.
Од друга страна, Ференцварош имаше крајно тешка задача за да стигне до тука и изненади три екипи. Против сите три екипи беше аутсајдер, но ги помина. Прво славеа над Ѓургарден од Шведска со 2:0, па го направија изненадувањето на колото славејќи над Селтик во Шкотска со 1:2, за во минатото коло поворно да бидат отпишани пред време, но славеа над Динамо Загреб со 2:1. Ова беа три неверојатни натпревари за нив и ако се суди според квалитетот на екипите кои тие ги поминаа сега ќе имаат полесна задача за разлика од предходните два меча. Овој меч за нив ќе биде сличен како оној против Ѓургарден во првото коло, со тоа што сега ќе одат на гости, а тогаш играа дома.
Се работи за една цврста екипа која знае што сака под водство на легендарниот украински напаѓач Сергеј Ребров. Имаат добри индивидуалци на сите позиции, добри се и како целина и немојде да се изненадите доколку уште еднаш совладаат фаворизирана екипа.
Молде знае дека ќе има најтешка задача до сега, но тренерот Мое најавува далеку подобра игра од онаа во Азербејџан. Таму беа надиграни и само среќата беше заслужна што постигнаа гол во продолженијата, а не примија ниту еден во својата мрежа. Сега и тие се свесни дека не можат повторно да се надеваат на среќата и дека ќе мораат да одиграат далеку подобро, против уште посилна екипа од Карабаг.
Be the first to comment