Краснодар е мал фаворит во дуелот против ПАОК во квалификациите за пласман во групите на Лигата на Шампиони. Квалитетот е на страната на русите, а тие предност ќе имаат и поради домашниот терен. Но ПАОК веќе изненади два фаворити во Европа сезонава и после тие резултати е тешко да се игра против нив.
Краснодар минатата сезона позитивно изненади
Краснодар имаше неверојатна сезона, сезона над сите очекувања и сосема заслужено заврши на 3-то место во руската Премиер Лига, место кое води во квалификациите за Лигата на Шампиони. Никој не очекуваше нешто такво од нив. Тие завршија пред екипи како Ростов, ЦСКА Москва, Динамо и Спартак Москва … Но тренерот Мусаев има одличен тим, составен од интернационалци. Многу нешта во тимот зависат од шведските репрезентативци Олсон од средината и Маркус Берг во нападот. Ова особено важи за Берг кој на осум меча сезонава веќе постигна четири гола.
Краснодар во одлична форма
Сезонава Краснодар има исти цели, плус секако пласман во групите на Лигата на Шампиони. Но во Русија се наоѓаат на 5-то место со по два порази и ремија и четири победи. Но се чини дека тимот формата ја темпираше на одличен, на правилен начин. По малите резултатски проблеми сега екипата е во серија од две победи и тоа не какви било. Прво славеше на гости кај Волгоград со 0:3, за во саботата да слави над Химки со неверојатни и убедливо 7:2. Токму Берг постигна два гола и ја потврди својата добра форма, а одличен меч одигра и холанѓанецот Вилхена. Впрочем одличен меч одигра целиот тим и тренерот Мусаев посака таква игра и против ПАОК.
ПАОК веќе елиминира два фаворити
Во одлична форма се наоѓа и грчи ПАОК. Во Грција поминаа само две кола од домашниот шампионат и екипата забележа победа над Лариса и реми со Атромитос. Но нивното цело внимание е насочено кон Лигата на Шампиони. За разлика од Краснодар, ПАОК играше и во предходните две кола и забележа одлични резултати против екстра квалитетни екипи кој беа фаворити. Прво ПАОК славеше над Бешикташ со 3:1, за во предходното коло минатата недела да слави и над Бенфика која беше апсолутен фаворит со 2:1. Португалецот на клупата на екипата Фереира се чини дека прави одлична работа со тимот. Сега тие се повторно аутсајдери, но сега за прв пат играат на гости и ништо нема да биде исто. Но ако одиграат како на првите два европски меча сезонава, тогаш сите опции остануваат отворени.
Be the first to comment