Финале на Копа Либертадорес: Гремио – Ланус, кој ќе владее со Јужна Америка !?

Доцна вечерта помеѓу среда и четврток по средноевропско време очите на целокупната светска фудбалска јавност ќе бидат вперени кон Јужна Америка. Се игра големото финале на панданот на Лигата на Шампиони на овој континент – Копа Либертадорес. Во финалето очекувано има бразилски и аргентински тим, Гремио и Ланус и јасно е дека ќе не очекуваат супер интересни две пресметки. Велиме две пресметки бидејќи во Копа Либертадорес и во финалето се игра двомеч.

Гремио по трета титула во Копа Либертадорес

Гремио има шанса да ја освои својата трета титула во Копа Либертадорес. Прв пат овој тим беше шампион на Јужна Америка во 1983, па потоа и во 1995 година. Во 1984 беа поразени, но поразот во финалето во 2007 година е сеуште свеж. Тогаш Гремио на убедлив начин стигна до финалето, но во двомечот беше декласиран од Бока Јуниорс со вкупни 5:0. Сега бразилците најавуваат одмазда, бидејќи против себе повторно имаат аргентински клуб.

Во Порто Алегре паѓале многу поголеми екипи од Ланус

Гремио е домаќин и голем фаворит на својата Арена де Гремио во Порто Алегре. Тие добија 5 од 6 меча сезонава на својот стадион. Единствениот пораз во ова натпреварување дојде во полуфиналето од еквадорскиот тим Барселона кој славеше со 0:1. Сепак Гремио во Еквадор победи со високи 0:3 и реваншот на домашен терен го играше растеретено и без притисок. Во Порто Алегре паднале многу поголеми екипи од Ланус и ова место го нарекуваат “Тврдина” па затоа и букмејкерите веруваат во победа на Гремио на првиот меч. Коефициентот е можеби премал кога станува збор за едно финале во така големо натпреварување, а најголем коефициент нуди Marathonbet – 1.65.

Фудбалерите на Гаучо свежи ќе везат во овој меч

Фудбалерите на Ренато Гаучо веќе неколку недели се фокусираат на овој финален меч, гледајќи дека веќе немаат шанси за освојување на бразилската титула и покрај сегашната втора позиција на табелата. Целосно ротираниот состав на минатиот меч значеше и пораз од 1:0 на гостувањето кај Сантос во последниот дуел на овој тим. Тоа значи дека оние што ќе започнат на овој дуел со Ланус ќе бидат свежи. Досега овој тим ги елиминираше Годон Бој од Аргентина, бразилски Ботафого и Барселона од Еквадор, а најзаслужен за пласманот во финалето е некогашниот прв стрелец на Борусија Дортмунд, парагваецот Лукас Бариос со 6 постигнати гола.

Пласманот во финалето е огромен успех за Ланус

Ланус се бори за својата прва титула во Копа Либертадорес, откако претходно ја освоија Копа Судамерикана во 2013 година. Тогаш славеа токму против бразилски тим. Во финалето беше совладана Понте Прета со вкупни 3:1, благодарение на домашната победа од 2:0. “Ел Гранате” никогаш предходно се немаат ниту приближено до најголемиот трофеј во Јужна Америк. Најголем успех досега во ова натпреварување им е настапот во четвртфиналето во 2014 година.

Пред сезоната никој не веруваше во овој тим

Фудбалерите на Хорхе Алмирон направија голема работа со стигнување во големото финале. Пред да стартува сезоната во Копа Либертадорес, овој тим воопшто не се вбројуваше во можните патници во финалето и може да се каже дека Ланус е најголемо изненадување сезонава. Прво заврши прво во групата со Национал од Уругвај, Чапекоенсе од Бразил и Жулиа од Венецуела. Потоа елиминираше три екипи од кои две беа големи фаворити. Прво го елиминираше Стронгест од Боливија, Потоа приреди чудесни враќања и пресврти. Во четвртфиналето доживеа пораз од Сан Лоренцо со 2:0, за потоа да слави со 3:0 дома. Во полуфиналето во аргентинската пресметка со Ривер Плата беа поразени со 1:0, но дома славеа со 4:2 откако губеа со 0:2 за сосем заслужен пласман во финалето. Највисок коефициент за победа на Ланус на овој меч нуди Pinnacle и е 7.99.

Два меча Ланус играше со втор тим, првата екипа е целосно посветена на финалето

Слично како и Гаучо, така и Жорге Алмирон ќе има целосно одморени стартери. На минатиот меч при поразот од Дефенса Жустиана од 3:0, Ланус играше со целосно втор тим. Фудбалерите од првиот тим беа во карантин и беа целосно насочени кон овој меч против Гремио. Според Алмирон, целта на екипата на овој прв финален меч е да остане непоразена како би си олеснила пред реваншот на домашен терен. Тоа е и очекувано, ако се знае дека Ланус игра очајно на гостински терен сезонава. Според тоа, може да се заклучи дека тимот ќе игра повлечено и нивната игра ќе се базира на контра напади. Токму тоа е силното оружје на овој тим кој во нападот ги има брзите Силва, Акоста и Санд кој сезонава постигна 8 гола во ова натпреварување.

Наш предлог:

Победа на Гремио @ 1.65 во Marathonbet