Арсенал за прв пат откако се врати фудбалот во Англија ќе игра на Емирати во Лондон и има одлична можност да продолжи со победите. Норвич се бори за опстанок, но за тоа шансите се мали, а на овој меч ќе мора да игра и без најдобрите дефанзивци.
Арсенал конечно се враќа дома
Арсенал ги загуби своите први два натпревари по враќањето на фудбалот во Англија (3:0 кај Манчестер Сити и 2:1 кај Брајтон), но реагираше силно со победата од 0:2 кај Саутемптон во Премиер лигата, проследена со победа во неделата од 1:2 во четвртфиналето на ФА Купот на гости кај Шефилд Јунајтед.
Имајќи четири одиграни натпревари во краток временски период, ова е прв натпревар на „Емирати“ за „Топџиите“ од рестартирањето на сезоната.
Микел Артета најверојатно ќе направи некои промени од мечот во ФА Купот, откако виде дека ќе се зголеми неговиот долг список на повредени фудбалери по повредата и на Давид Луиз. Тој беше заменет со Роб Холдинг, кој најверојатно ќе стартува и на овој меч.
Хектор Белерин изгледа подготвено да се врати на десната бековска позиција, а Емилијано Мартинез ќе продолжи на голот на местото на повредениот Бернд Лено. Во средниот ред Дани Цебалос најверојатно ќе ја продолжи вообичаената почетна улога, откако во неделата го постигна победничкиот гол по влегувањето од клупата, заедно со Гранит Џака.
Постои сериозен прашалник во врска со нивото на доверба на Артета кон Матео Гуендузи, кој ги пропушти последните два натпревари по неговото бурно однесување во Брајтон.
Пјер-Емерик Аубамејанг, најдобриот стрелец на Арсенал во Премиер лигата со 17 голови, сигурно ќе се врати во нападот.
Норвич со проблеми поради повредени фудбалери
Времето брзо истекува на Норвич, кои остануваат на дното со 21 поен, заостанувајќи со шест бода од безбедната зона со само седум натпревари до крајот на сезоната.
Нивните два натпревари во Премиерлигата досега завршија со домашни порази (0:3 против Саутемптон и 0:1 против Евертон) и иако одиграа сосема солидно во ФА Купот на домашен терен против Манчестер Јунајтед, сепак загубија со 1:2 по продолженија.
Но Норвич мораше да игра цело продолжение со 10 фудбалери откако Тим Клосе доби црвен картон поради кој ќе го пропушти и овој меч.
Тод Кантвел мораше да биде заменет, зголемувајќи ја колонијата на повредени, но за него сепак постои шанса за настап на овој меч.
Сепак, најголем проблем за Норвич е тоа што ќе мора да игра без Грант Ханли и најдобриот дефанзивец во тимот Кристоф Зимерман. Без Зимерман и суспендираниот Клосе, значи дека Норвич ќе излезе на терен со нови два бека кој ќе имаат тешка задача против Арсенал.
Be the first to comment