Англија и Шведска на Алијанц Ривиера во Ница ќе го одиграат натпреварот за освојување на третото место на Светското Првенство во женска конкуренција. Ова за двете селекции е благо кажано несреќен меч, бидејќи и едните и другите се надеваа на финале, особено Англија. Веројатно победникот ќе биде одлучен според мотивацијата, но кој ќе биде помотивиран?
Бронзените медали обично се освојуваат со мотивација
Кога Англија го одигра својот меч за бронзениот медал на Светското првенство во Канада во 2015 година, тие имаа одличен меч и славеа победа со 1:0 над Германија. Во оваа прилика, овој натпревар за третото место дојде во крајно неповолно време за англичанките. Тие имаат добар тим и конечно се надеваа дека ќе играат во финалето. На три последователни турнири, односно Светски првенства тие испаѓаат во полуфиналето и ако се суди според изјавите, разочарувањето во репрезентацијата е огромно. Ќе им биде тешко да го одиграат овој меч, но напоменуваат дека сакаат да докажат дека заслужуваат финале и сакаат со победа и добра игра да се одјават од турнирот.
Двете селекции се разочарани
Натпреварите за третото место често се решаваат со мотивација – како што беше случајот во 2015 година, кога Англија беше далеку повеќе мотивирана од Германија. Тоа се гледаше на теренот, а германките изгледаа како воопшто да не им с еигра. Исто како и кај Англија и во Шведска некои од фудбалерките кои се сега во тимот го освоија бронзениот медал во 2011 година. Поради тоа, крајно тешко е да се предвиди кој тим повеќе ќе ужива во овој натпревар.
Двете тима најверојатно ќе направат некои промени во составите. Фил Невил може да биде во искушение да игра со играчи како Лија Вилијамсон за да ја замени суспендираната Мили Брајт. Тој, исто така, може да стартува Џејд Мур, Карен Карни и Марија Ерпс. Од друга страна, Шведска ќе биде без Косоварката Аслани, која заврши со потрес на мозокот при поразот на Шведска од Холандија.
Дали Елен Вајт може да ја освои Златната копачка?
Нила Фишер иако игра на бековската позиција е главниот играч во Шведска. Познато е дека швеѓанките се дефанзивно ориентирана репрезентација. Повеќе размислуваат за својот, отколку за противничкиот гол. Токму Фишер е голем дел од она што ја прави одбраната на Шведска толку застрашувачка. Но оваа репрезентација докажа дека има и убиствен контра напад, кој почнува од последната бековска линија.
Ако има еден играч од Англија кој ќе биде крајно мотивиран на овој натпревар, тоа ќе биде напаѓачот Елен Вајт. Таа е на врвот на листата на стрелци со 6 голови, колку што има и американката Морган. Тие две во последните свои натпревари ќе решаваат кој ќе биде најдобар стрелец на Светското Првенство. Вајт би можела да стане само втор играч во историјата на Светските првенства во женски репрезентации, кој ќе постигне голови на шест последователни натпревари. Тоа ќе биде големо достигнување за нејзе и јасно е дека барем кога е Вајт во прашање, мотивација нема да фали.
Наш предлог:
Be the first to comment