Ливерпул – Барселона, двомеч кој се очекуваше да биде далеку понеизвесен. Барса отпатува на островот со предност од 3:0, со многу поголема свежина и со Меси. Ливерпул пак е преморен, а ќе игра и без Мо Салах на овој меч.
Ливерпул во невозможна мисија
Несреќната седмица за Ливерпул скоро и да се претвори во катастрофална во саботата вечерта. По поразот од 3:0 во Барселона, веќе во саботата Рафа Бенитез и Њукасл пружија многу повеќе отпор отколку што многумина очекуваа. Но, тогаш двајца фудбалери кои влегоа од клупата – Џердан Шаќири и Дивок Ориги ги задржаа шансите за титулата во Премиер Лигата.
Може ли да се каже исто и за нивните надежи во Лигата на шампионите? Не е лесно да се биде позитивен по резултатот од првиот натпревар, по кои на Ливерпул му треба чудо за пласман во финалето. Екипата на Јирген Клоп е способна да постигне три гола против кој било тим, но исто така е крајно тешко да се зачува својата мрежа против Барселона во 90 минути. Во случајов, ако Барса постигне гол, Ливерпул ќе треба да даде пет а тоа во секој случај е невозможна мисија.
Салах и Фирмино со повреди
Клоп се надеваше дека Роберто Фирмино е способен да се врати во почетниот состав. Бразилецот ги пропушти последните два меча, а ќе го пропушти и овој. Проблемот е што ниту Вијнанлдум ниту Даниел Стариџ не нудат иста комбинација кога во прашање е нападот. Мо Салах заработи повреда во Њукасл и треба да се случи чудо тој да биде оспособен за настап. Од друга страна Трент Александар-Арнолд треба да игра откако беше изоставен од екипата во Каталонија.
Барса е свежа, а Меси е желен за игра
Двете екипи си прават нокаут математика, но онаа математијка на Барса е многу полесна. Валверде си ја заврши 90 посто од својата работа на првиот меч и сега му останува полесниот дел. Освен тоа, тој го има Лионел Меси кој ако е расположен за игра, тогаш неможе да го сопре никој. Значи, Барса има добар резултат, но и многу подобра свежина. Ернесто Валверде за време на викендот играше со вториот тим против Селта Виго. Да, Барса доживеа пораз од 2:0 но тој пораз беше очекуван ако се земе во предвид составот на Барса. Тие се веќе шампиони во Ла Лига и целосно се посветени кон Лигата на Шампиони. Единствен проблем за Валверде е повредата на тетивата на Оусмане Дембеле кој ги ограничува опциите во нападот. “Тој е важен играч за нас и тоа е голем удар за целата екипа пред доста важни натпревари”, се жалеше Валверде.
Губењето на Дембеле, најверојатно ќе биде добивка за Филип Кутињо. Бразилецот не остави голем впечаток во првиот натпревар, но има дополнителна мотивација со враќање во Ливерпул, овој пат како ривал на црвените.
Клоп ќе направи некој луд потег
Ако навивачите на Ливерпул бараат причини да бидат оптимисти, тие треба да се осврнат на неодамнешниот домашен рекорд на нивната екипа: црвените не се поразени на 19 натпревари на Енфилд во сите натпреварувања (16 победи и 3 ремија). При тоа, на овие дуели тие постигнаа 52 гола. Атмосферата ќе биде жешка и може да бидете сигурни дека Клоп ќе биде подготвен да направи некоја лудост како би дошол барем до шанса за пласман во големото финале.
Дали се способни да ја елиминираат Барса? – Со оваа негатива веројатно не. Но дефинитивно Ливерпул е способен да слави победа против тимот од Каталонија.
Наш предлог:
Be the first to comment