Рајо Ваљекано ќе се обиде да го продолжи нивниот импресивен почеток на сезоната во Ла Лига, кога ќе ја пречека Мајорка во сабота навечер во рамки на третото коло.
Домашната екипа собра четири бода од нивните први два меча и се најде на шестото место на табелата, додека Мајорка е 14-та со само еден бод од првите два натпревари.
Ако го искористи моментумот, Рајо може многу сезонава
Рајо Ваљекано беше одличен во Ла Лига минатата сезона, завршувајќи на 12-тото место на табелата по нивното враќање во шпанската елита, со што обезбедија две последователни сезони во првата лига на Шпанија за прв пат од 2016 година.
Оваа сезона, екипата направи солиден старт, освојувајќи бод во ремито без голови на гостувањето кај Барселона на 13-ти Август, пред да забележат победа од 0:2 на незгодното гостување против Еспањол минатиот викенд.
Иси Палазон и Пате Сис се запишаа во листата на стрелците на стадионот RCDE, а Рајо сега ќе бара да го заокружи успешниот август со позитивен резултат против Мајорка.
Тимот на Андони Ираола победи на 11 од нивните 38 лигашки натпревари минатата сезона, но тие загубија 18 пати и беа само на четири бода од зоната за испаѓање, па се свесни сега мора д аго искористат моментумот за да освојат што повеќе бодови на стартот.
Мајорка ја чека борба за опстанок
Мајорка, исто така успеа да обезбеди две сезони по ред на ова ниво со завршувањето на 16-тото место минатата сезона, со само еден бод над зоната за испаѓање.
Пиратите ја отворија сезонава со импресивен бод во Атлетик Билбао, но претрпеа пораз од 1:2 на домашен терен од Реал Бетис минатиот викенд.
Мајорка всушност беше во топ-10 екипи во Ла Лига помеѓу 2007 и 2012 година, само во една прилика заврши послабо од 10-та позиција во тој период, но тие потоа играа во Сегунда дивизија помеѓу 2013 и 2017 година. Сега, амбицијата им е опстанок но по се изгледа ќе имаат навистина тека задача.
На Мајорка и беше тешко да освојува бодови н агостувањата во Ла Лига минатата сезона, собра само 12 бода од 19 натпревари, забележувајќи само три победи во тој процес.
Тимски новости: Рајо Ваљекано
На Рајо повторно ќе му недостигаат Диего Лопез, Санти Комесана и Андрес Мартин овој викенд поради повреда, додека Флоријан Лежене е суспендиран по црвениот картон против Еспањол. Веројатно ќе има само една промена од натпреварот во Еспањол – Марио Ернандез ќе го замени суспендираниот Лежеуне, па играчите како Салви и Радамел Фалкао повторно треба да бидат на клупата.
Можен стартен состав на Рајо Ваљекано 4-2-3-1: Димитриевски; Балиу, Хернандез, Катена, Ф Гарсија; Лопез, Сис; Палазон, Трехо, А Гарсија; Камело
Тимски новости: Мајорка
Доминик Грајф, Иниго Руиз де Галарета и Амат Ндијаје ќе го пропуштат натпреварот поради повреда. Главниот тренер Агире беше задоволен од одредени аспекти од настапот на тимот против Реал Бетис, па се очекува тој да одолее на искушението да го измеша составот.
Можен стартен состав на Мајорка 5-4-1: Рајковиќ; Мафео, Ваљент, Копете, Раило, Коста; Родригез, Грениер, Батаља, Канг-ин; Муриќи
Очекување:
Домаќинот е поблиску до победа на овој меч. Рајо е фаворит и според букмејкерите и јас се согласувам со нив. Мислам дека Мајорка бодовите сезонава треба да ги бара на домашен терен. Ако Рајо успее да го искористи моментумот од добриот старт на сезоната, тогаш оваа екипа може да биде пријатно изненадување, но за такво нешто, прво треба да с епобеди Мајорка.
Be the first to comment