Шкендија ја стартува Европската сезона на домашен терен против Арарат од Ерменија. Овој меч е во рамки на првото квалификациско коло од европската Конференциска лига, а македонскиот претставник влегува како благ фаворит.
Шкендија е фаворит, но …
Според букмејкерите Шкендија е фаворит на овој меч. Веројатно е така барем на овој прв меч, но за да мине во следното коло Шкендија ќе треба да биде одлична во двата меча. По очајната мината сезона кога екипата заврши на третото место на табелата во првата фудбалска лига на Македонија, сега тетовскиот тим предводен од Артим Шаќири има високи амбиции и во Европа, но и во Македонија каде сака да го симне од тронот шампионот Шкупи.
Во Тетово дојдоа неколку одлични засилувања, а подготовките беа за пофалба. Шкендија играа со силни противници, одиграа 1:! Со Ференцварош, Славеа со 1:0 над Марибор, одиграа 3:3 со Зрињски и единствено беа поразени од Динамо Загреб со 3:0.
Сепак, едно се пријателски дуели, друго се овие официјалните. Наголемата предност на Шкендија н аовој меч ќе биде домашниот терен, но сепак тие и нема да играат во Тетово, па домашната предност ќе биде релевантна.
Шаќири одлично пазареше ова лето
Шкендија видно се засили пред овие европски натпревари во кои има високи амбиции. Тренерот Шаќири има одличен колектив и одлично пазареше летово, особено кога станува збор за офанзивниот дел на тимот. Влатко Стојановски е трансфер бомбата на Шкендија. Откако не се снајде најдобро во Франција, па минатата сезона одигра 23 натпревари во најдобрата хрватска лига за Горица, Стојановски сега е главниот напаѓач во Шкендија. Од напаѓачот кој играше за Македонија на ЕУРО 2020 се очекува многу.
Покрај Стојановски, нови фудбалери во тимот се бразилскиот напаѓач Вагнер, дефанзивецот од Чешка Јан Вондра, како и уште неколкумина фудбалери.
Ако на овие се додадат Хасани, Дориев, Бејтулаи и уште неколкумина староседелци, тогаш јасно е од каде се високите амбиции на тимот од Тетово.
Арарат е силна екипа за македонски услови
Арарат можеби не е атрајтивен тим, но е крајно опасна екипа која постојано игра во Европа. Ерменците минатата сезона во првото квалификациско коло во Лигата на Конференции го елиминираа МОЛ Фехервар. Во Ереван беше 2:0 за домашните, додека во реваншот во Унгарија беше 1:1. Во следната рунда Ерменците беа елиминирани од Сласк Вроцлав со 2:4 и 3:3.
Тој тим од минатата сезона е ист, останаа најдобрите фудбалери па и сега дополнително е засилен. СТанува збор за екипа која е речиси целосно интернационална, особено во првите 11. Имаат дури четири фудбалери од Брег на Слонова Коска, од Нигерија, Аргентина, Колумбија, Гамбија, Србија, БиХ. Освен тоа, имаат и неколку актуелни или поранешни репрезентативци на Ерменија, а тоа само по себе говори за силата на оваа екипа.
Минатата сезона завршија на 4-то место во Ерменија, пред се поради очајниот крај на сезоната. Сепак, оваа сеона ќе се борат за титулата особено по одличниот транфер период.
Be the first to comment