Северна Ирска патува на стадионот „Фадил Вокри“ во Приштина за нивниот дуел од Лигата на нации на УЕФА против Косово во четврток вечер.
Двете нации, кои ќе се соочат за прв пат во историјата, ги делат 53 места на светската ранг-листа на ФИФА, при што Косово е позиционирано на 107-то место, додека Северна Ирска е на 54-тото место. Сепак, овие позиции на ранг листата на ФИФА, за овој меч не значат премногу.
Косово сака победа пред своите навивачи
По победата со 0:2 на гостувањето против Кипар во првиот натпревар од групата 2 во Лигата Ц минатата недела, Косово беше поразен со 0:1 на домашен терен од Грција во неделата.
Анастасиос Бакасетас беше стрелец на единствениот гол на натпреварот за гостите во 36-та минута, пред црвените картони за косовската двојка Фидан Алити и голманот Аријанет Муриќ да им ги скратат можностите за израмнување – првиот беше исклучен поради втор картон во 71-та минута, додека Муриќ доби директно исклучување поради игра со рака надвор од шеснаесетникот.
Поразот за тимот на Ален Жирес стави крај на нивната серија од четири натпревари без пораз во сите натпреварувања, нивна најдолга таква серија во последните три години.
Косово има одличен тим, составен од фудбалери кои играат во најсилните фудбалски лиги во Европа, но никогаш не победило нација рангирана во топ 100 во Лигата на нации. Сепак, нивната импресивна победа од 5:0 над Буркина Фасо (рангирана на 56-то место) на пријателски меч во Март треба да им даде одредена самодоверба пред судирот со Северна Ирска во четврток.
Ирците со офанзивни проблеми
Северна Ирска не почна според посакувањата во Лигата на Нации и по првите два меча сеуште нема постигнато гол. Тие ја започнаа својата кампања во Лигата на нации со пораз од 0:1 дома од Грција и реми без голови на гостувањето против најслабата селекција во групата Кипар.
Зелено-белата армија забележа 21 удар кон голот на овие два натпревари, но само четири од тие обиди беа во рамките на голот. Притисокот сега почнува да расте на рамениците на менаџерот Иан Бараклоу.
Северна Ирска не успеа да победи на ниту еден од нивните 12 натпревари во Лигата на нации од почетокот на натпреварувањето во 2018 година, губејќи девет пати и постигнувајќи само шест гола.
Она што е позитивно за гостите пред овој меч, е фактот што четири од последните пет победи на Северна Ирска се на гостински терен, вклучувајќи ги победите со 0:3, 1:4 и 1:3 над Малта, Литванија и Луксембург во последните 12 месеци.
Тимски новости: Косово
Косовскиот тренер Жирес ќе биде принуден да направи две промени во неговиот стартен состав, по црвените картони на левиот бек Алити и голманот Муриќ.
Амир Рахмани од Наполи или Мирлинд Криезиу можеби ќе треба да стартуваат на левата страна во бековската четворка, додека Самир Ујкани се очекува да го замени Муриќ меѓу стативите.
Косово ќе игра фо формација 4-3-3: Ујкани; Кастрати, Рахмани, Дрешевиќ, Криезиу; Бериша, Лошај, Зенели; Жегрова, Муриќи, Рашица
Тимски новости: Северна Ирска
Бараклоу треба да се придржува до формацијата 3-5-2 и веројатно нема да направи многу промени во неговиот стартен состав.
Напаѓачот на Гленторан Конор Мекменамин го имаше своето репрезентативно деби во неделата, но 26-годишниот напаѓач најверојатно нема да започне пред Кајл Лаферти и Гевин Вајт во четврток.
Како што рековме, формацијата на гостите ќе биде 3-5-2: Паун-Фарел; Мекнер, Еванс, Браун; Мекгин, Савил, Чарлс, Дејвис, Лејн; Вајт, Лаферти
Очекување:
Бе разлика на ФИФА ранг листата која ја фаворизира гостинската селекција, на овој меч фаворит е Косово. Косоварите направија одлична селекција и сигурно ќе почнат да бележат подобри резултати. Имаат фудбалери кои играат низ најдобрите лиги во Европа, а најдобар дел им е одбраната која е доста цврста, како и брзите крила. Северна Ирска пак игра доста цврсто во последно време, но се чини дека многу повеќе размислува на својот гол, отколку на голот на противникот. Не очекувајте премногу голови и доколку има победник, веројатно тоа ќе биде со еден постигнат гол од страна на домаќинот. Сепак, јас би одиграл 0-2 гола.
Be the first to comment