Фудбалерите на Ливерпул со едната нога се веќе во финалето на Лигата на шампионите и им останува да ја завршат работата против Виљареал во реваншот од нивниот полуфинален натпревар на Ла Керамика во вторник.
Тимот на Јирген Клоп славеше со 2:0 во првиот натпревар на „Енфилд“, но избраниците на Унаи Емери веќе елиминираа два гиганти на европскиот фудбал и повторно се надеваат на чудо.
Виљареал сака ново чудо
Виљареал беше под опсада во текот на сите 90 минути за време на првиот натпревар на „Енфилд“, и иако Виљареал го зачува својот гол по првите 45 минути, тимот на Клоп брзо во второто полувреме постигна два гола, доволни за победа.
Мамурлакот од тој пораз во Лигата на шампионите беше тежок за Виљареал, бидејќи тие загубија со 2:1 од Алавес во саботната битка во Ла Лига – иако со многу изменет состав. Но сега го пречекуваат Ливерпул на терен каде што и Јувентус и Баерн Минхен не успеа да триумфираат.
Само една екипа некогаш ја поништила негативата од два гола во полуфинале на Лигата на шампионите, при што Виљареал сака да се врати против Ливерпул по нивниот извонреден пресврт во сезоната 2018-19 против Барселона, а серијата од 12 натпревари без пораз на домашен терен ветува.
Од Ноември, Виљареал нема пораз пред своите симпатизери, но тимот на Емери не успеа да забележи ниту еден шут кон противничкиот гол на првиот натпревар во Англија и доколку сакаат чудо ќе треба да одиграат далеку подобро.
Ливерпул во трка по четири титули
На помалку од еден месец до затворањето на сезоната, сонот за четири титули се уште е реална можност за Ливерпул, кој накратко се врати на врвот во Премиер лигата по победата над Њукасл, но повторно во моментов се на второто место со бод помалку од Манчестер Сити.
И додека нивната судбина за титулата во Премиер лигата останува надвор од нивни раце, Ливерпул е на само 90 минути до својот 10-ти настап во финалето на европско натпреварување – само Реал Мадрид, Баерн Минхен и Милан имаат двоцифрен број финалиња.
Победата во Њукасл ја претставуваше петтата победа за Ливерпул во сите натпреварувања – а на нивните последни четири меча тие не примија гол и откако тимот на Клоп загуби кај Лестер во Декември, тимот нема пораз на гостувањата.
Тимски новости: Виљареал
Унаи Емери нема многу проблеми со изборот на составот. Со само една грижа поради отсуството на Алберто Морено тој веќе го знае првиот тим. Освен тоа, Емери против Алавес викендот настапи со доста измешан состав, па сега неговиот тим би требало да изгледа посвежо.
Според наше мислење, Виљареал ќе настапи во систем 4-4-2: Џеронимо Рули; Хуан Фојт, Раул Албиол, Пау Торес, Первис Еступинан; Џовани Ло Селсо, Даниел Парехо, Етјен Капуе, Френсис Кокелaн; Самуел Чуквуезе и Булаје Диа.
Тимски новости: Ливерпул
Од големата достапна група играчи, има само еден проблем за шефот на Ливерпул, Јирген Клоп. Роберто Фирмино никако да се опорави и дефинитивно го пропушта и овој натпревар. Но Ливерпул сезонава речиси и да се навикна да игра без него во офанзивата.
Сметаме дека „црвените“ ќе играат во систем 4-3-3: Алисон Бекер; Т. Александер-Арнолд, Ибрахима Конате, Вирџил ван Дијк, Ендрју Робертсон; Џордан Хендерсон, Фабињо, Тиаго Алкантара; Мохамед Салах, Садио Мане и Луис Диаз.
Очекување:
Ливерпул ќе биде екипата која ќе ја има топката во свој посед и ќе го диктира темпото на игра. Сепак, Виљареал и Емери попкажаа дека можат против секого оваа сезона и нема сомнеж дека ќе се обидат да изненадат. Би тебало да видиме една сосема различна игра и различен пристап од Виљареал за разлика од првиот меч во Англија, а тоа значи дека Ливепрул иако е фаворит, ќе го чека тешка задача.
Be the first to comment