Реал Бетис ќе се обиде да се задржи во игра за пласман во топ четири во Ла Лига кога ќе го пречека Елче на Естадио Бенито Виљамарин во вторник вечерта.
Домашните моментално се на петтото место на табелата, со три бода помалку од четвртопласираниот Атлетико Мадрид. Елче се наоѓа на 13-тото место и се чуствува безбеден барем засега бидејќи има седум бода повеќе од зоната за испаѓање со уште шест натпревари до крајот на сезоната.
Бетис со добра шанса пред себе
Реал Бетис е во серија од пет натпревари без пораз во Ла Лига. Во петокот ремизираше 0:0 со уште еден кандидат за пласман во Топ 4 – Реал Сосиедад и освои 11 бода од последните пет натпревари за време на оваа добра серија.
Победата на Атлетико над Еспањол од 2:1 во неделата попладне го помести актуелниот шампион на три бода повеќе од петтопласираниот Реал Бетис на табелата, но победа во вторник ќе придонесе тимот од Севиља да остане во трката за последното место во Лигата на шампионите.
Тимот на Мануел Пелегрини победи на девет од нивните 16 натпревари на домашен терен оваа сезона, но всушност остави посилен впечаток на нивните гостувања, каде го имаат третиот најдобар рекорд на гости во Ла лига сезонава, собирајќи 28 поени од нивните 16 натпревари.
Реал Бетис, кој беше исфрлен во осминафиналето на Лига Европа од Ајнтрахт Франкфурт, нема пласман во топ-четири во Ла Лига од 2005 година и ќе се обиде со последователните победи во лигата против Елче и Хетафе да си обезбеди простор, пред домашен натпревар против Барселона на 7-ми Мај.
Елче сака мирен крај на сезоната
Елче е далеку од безбеден од математичка гледна точка, а кога е во прашање заканата од испаѓање, бидејќи има само седум бода повеќе од последните три екипи на табелата, но би било огромно изненадување да ги видиме во поголема опасност во следните неколку недели.
Тимот на Франциско всушност загуби три последователни првенствени натпревари против Валенсија, Атлетик Билбао и Реал Сосиедад помеѓу 19-ти Март и 10-ти Април, но тие забележаа импресивна победа од 3:0 над Мајорка во саботата, што се покажа како нивен деветти првенствен успех оваа сезона.
Елче заврши на 17-то место во Ла Лига минатата сезона и сакаат да имаат две последователни сезони на ова ниво за прв пат од 2015 година.
Сепак, Елче освои само 12 бода од 16-те гостувања во лигата оваа сезона, и претрпе пораз од 3:0 кога го пречека Реал Бетис на првиот меѓусебен меч оваа сезона.
Зелените всушност го немаат победено Реал Бетис на гостински терен во првата лига на Шпанија од Октомври 2013 година и сигурно ќе мора да бидат најдобри сезонава за да го совладаат тимот на Пелегрини на овој натпревар.
Be the first to comment